अश्ववैद्यकम् (जयदत्त सूरि - विस्तृत अश्व-रोग निदान एवं शल्य-चिकित्सा महाग्रन्थ)

४२ अध्यायः ।] अतीसारविवरणम् । २४१
अनेनैव कषायेण साधितं यवतण्डुलैः ।
मधुसैन्धवसंयुक्तां यवागूं भोजयेत्ततः१ ॥ १७ ॥
आमसन्निपातद्वन्द्वजातिसारचिकित्साः ।
पिप्पल्या लवणं शुण्ठी मरिचं चित्रकं वचा ।
आमातीसारिणे देयं सुरया पानमुत्तमम् ॥ १८ ॥
सन्निपातसमुत्थे तु कार्या साधारणी क्रिया ।
द्विरूपे द्विविधा चैव चिकित्सा परिकीर्त्तिता ॥ १९ ॥
इति श्रीमन्महासामन्तजयदत्तकृतेऽश्वशास्त्रेऽतीसार-
चिकित्सिते द्विचत्वारिंशोऽध्यायः ।
अथ त्रिचत्वारिंशोऽध्यायः ।
पञ्चविधशूलनिदानलक्षणानि ।
सौभिक्ष्यश्चोर्ध्ववर्त्तिंश्च२ भिन्नवर्त्तिस्तथैव च ।
विबन्धस्नेहवर्त्तिंश्च कुक्षौ शूलश्च पञ्चधा ॥ १ ॥
१८ । अत्र सुराप्रस्थः । पिप्पल्यादिचूर्णं षट्टोलकं ग्राह्यम् ।
१ । विबन्धस्नेहवर्त्तिरिति विबन्धवर्त्तिः स्नेहवर्त्तिंश्च ।
१ । भिषक् । गः ।
२ । सुभित्तञ्चोर्द्धवर्त्तश्च भिन्नवर्त्तस्तथैव च । विविधस्नेहवर्त्तश्च । गः ।