अश्ववैद्यकम् (जयदत्त सूरि - विस्तृत अश्व-रोग निदान एवं शल्य-चिकित्सा महाग्रन्थ)

३४ अध्यायः ।] कासविवरणम् । २२६
पित्तकासचिकित्सा ।
गृहीत्वा गोमयरसं पिप्पलीचूर्णसंयुतम् ।
मधुना सर्पिषा चैव लेहं१ कासे सपैत्तिके ॥ १७ ॥
पायसं यवचूर्णेन छागक्षीरेण साधितम् ।
धात्रीमागधिकाचूर्णं भोजयेन्मधुसर्पिषा ॥ १८ ॥
पिप्पलीमधुकाभ्यान्तु वक्षारोचनया युतम्२।
पिप्पलीचूर्णसंयुक्तं छागक्षीरं सशर्करम् ॥ १९ ॥
एतत्पानं प्रदातव्यं वातकासप्रशान्तये ।
पटोलपञ्चनिःक्वाथे३ सुस्विन्नान्४ भोजयेत्ततः ॥ २० ॥
मुद्गान् मागधिकायुक्तान् मधुयुक्तेन सर्पिषा ।
चूर्णमामलकानान्तु वंशरोचनया युतम् ॥ २१ ॥
२१। चित्रकादीनां चूर्णं समभागं पादोनपलमितं मधुना कुड़व-
मितेन मिश्रयित्वा लेहयेत् ।
१। लेहनीयस्तु पैत्तिके । गः ।
२। पिप्पलीमधुकाभ्यान्तु क्षीरं छागं सशर्करम्। क्षौद्रं पाने प्रदातव्यं
वातकासप्रशान्तये । खः ।
३। पञ्चतिक्तकनिःक्वाथे । खः ।
४। स्विन्नान्नम् । खः ।