अनङ्गरङ्ग (महाकवि कल्याणमल्ल - कामशास्त्र एवं रति-प्रयोग संस्कृत मूल पाठ)

स्थलः ] अनङ्गरङ्गः ५३
संस्थाप्य बाह्यं कटितो रमेत
कान्तस्तदा स्यात्किल नागराख्यः ॥ ५ ॥
स्त्रियो ऽङ्घ्रिमेकं विनिधाय भूमा-
वन्यं स्वमौलौ निजपादयुग्मम्¹² ।
पृथ्व्यां ¹³ समाधाय रमेत भर्ता
त्रैविक्रमाख्यं करणं तदा¹⁴ स्यात् ॥ ६ ॥
तल्पप्रसुप्ता निजपादयुग्म¹⁵
मूर्ध्वं विधत्ते रमणी कराभ्याम् ।
स्तनौ गृहीत्वाथ भजेत कान्तो
बन्धस्तदा व्योमपदाख्य उक्तः ॥ ७ ॥
कान्तोरुयुग्मान्तरगः स्वहस्तौ
निधाय भूमौ रमते पतिश्चेत् ।
बन्धस्तदोक्तः स्मरचक्रनामा¹⁶
श्रेष्ठः¹⁷ सदा कामिजनस्य लोके ॥ ८ ॥
नारी स्वपादौ दयितस्य वक्षः-
स्थितौ समालिङ्ग्य करद्वयेन ।
किञ्चिन्नतोरू¹⁸ रमते तदासौ
प्रोक्तो मुनीन्द्रैर्विदारिताख्यः¹⁹ ॥ ९ ॥
उत्तानितोरुद्वयमध्यगामी
दृढं समालिङ्ग्य भजेत यत्र ।
कान्तो²⁰ विलासप्रिय एष बन्धः
सौम्याख्य उक्तः कविभिः पुराणैः ॥ १०॥
ऊरुद्वयं²¹ वक्रमुदञ्चितं च
कृत्वाम्बुजाक्षी भजते²² पतिं चेत् ।