अनङ्गरङ्ग (महाकवि कल्याणमल्ल - कामशास्त्र एवं रति-प्रयोग संस्कृत मूल पाठ)

स्थलः ] अनङ्गरङ्गः ४७
प्रियाधरं यत्र तु³¹ तिर्यगाख्यं
प्रोक्तं कवीन्द्रैः खलु³² चुम्बनं तत् ॥१६॥
दन्तैर्गृहीत्वा मदनार्तिलोला³³-
धरं विचुम्ब्याशु दशेत्स्वभर्तुः ।
कान्तस्तदीयं कथितं मुनीन्द्रै-
रित्युत्तगोष्ठं परिचुम्बनं हि³⁴ ॥१७॥
अदाय दन्तच्छदमाशु पत्युः
कराङ्गुलीसंपुटकेन नारी ।
जिह्वाग्रदेशेन घटेद्दशेच्च³⁵
तच्चुम्बनं पीडितसंज्ञकं³⁶ स्यात् ॥१८॥
प्रियाधरं³⁷ स्वाधरसंपुटेन
पिवेत्पतिः सापि तथैव भर्तुः ।
परस्परं प्रेमरसातिरेका-
त्स्याच्चुम्बनं संपुटकं³⁸ तदेव ॥१९॥
संप्राप्तनिद्रां रहसि स्वकान्तां
चिरागतश्चुम्बति यत्र भर्ता ।
प्रोक्तं कवीन्द्रैः प्रतिबोधसंज्ञं
तच्चुम्बनं सर्वरसातिरेकम् ॥२०॥
अधरोष्ठयुगेन कामिनी
पतिवक्त्रोष्ठयुगं स्वजिह्वया ।
परिपीड्य विचुम्ब्य नृत्यति
कथितं³⁹ तद्धि समोष्ठसन्तकम् ॥२१॥