अनङ्गरङ्ग (महाकवि कल्याणमल्ल - कामशास्त्र एवं रति-प्रयोग संस्कृत मूल पाठ)

४८ अनङ्गरङ्गः [ नवमः
॥ अथ नखदानविधिः ॥
ग्रीवाकरोरुजघनस्तनपृष्ठकक्षा⁴⁰-
हृत्पार्श्वगण्डविषये नखराः खराः स्युः ।
माने नवीनसुरते विरहे प्रवासे,
द्रव्यक्षयेऽथ⁴¹ विरतौ च मदे प्रयोज्याः ॥२२॥
नीरेखता निर्मलतोज्ज्वलत्वं
वर्धिष्णुताथास्फुटितत्वमेव⁴² ।
अमार्दवं⁴³ चेति गुणानखानां
बुधैः षडुक्ताः किल कामशास्त्रे⁴⁴। ॥२३॥
अव्यक्तरेखं कृतरोमहर्षं
समर्पितं गण्डकुचाधरेषु⁴⁵ ।
यत्कर्म सम्पूर्णनखप्रसूतं⁴⁶
विज्ञास्तदेव⁴⁷ च्छुरितं वदन्ति ॥२४॥
ग्रीवाकुचे वक्रनखप्रहारो
दत्तो ऽर्धचन्द्राख्य उदीरितो ऽसौ ।
इत्येव भेदो ऽभिमुखे प्रयोज्य⁴⁸-
स्तदा बुधा मण्डलकं वदन्ति⁴⁹ ॥२५॥
द्वित्र्यङ्गुलादधिक⁵⁰ एव नखप्रहारो
मूर्धोरुगुह्यकुचदेशसमर्पितो यः ।
रेखाह्वयं⁵¹ मदनकेलिकलाविधिज्ञाः
प्राहुस्तमेव⁵³ तरुणीविहितप्रभावाः⁵⁴ ॥२६॥
रेखा कृता सर्वनखैरधस्ता-
दङ्गुष्ठमाधाय⁵⁵ तु चूचुके या ।