अनङ्गरङ्ग (महाकवि कल्याणमल्ल - कामशास्त्र एवं रति-प्रयोग संस्कृत मूल पाठ)

स्थलः ] अनङ्गरङ्गः ३७
नखपथ्याभयाम्भोद मांसीमांसकरञ्जकाः¹²⁸ ।
समाः ¹²⁹स्वर्णाम्भसोरुक्तं प्रत्येकं भागयुग्मकम् ॥६२॥
कर्पूरागुरुकस्तूरी जातिस्थौणेयकस्य तु¹³⁰ ।
भागत्रिकं स्यात्प्रत्येकं सर्वैरेभिरिहोच्यते ॥६३॥
लेपः¹³¹ सौरभ्यगर्भाख्यः¹³² सर्वलोकमनोरमः ।
भूभुजामेव योग्यो ऽयमन्येषां दुर्लभः स्मृतः ॥६४॥
॥ अथ मुखवासविधिः ॥
त्वक्पत्रैलानखस्वर्णजातिभिः कारयेद्वटीम् ।
ताम्बूलयुक्ता सा भुक्ता¹³³ वक्त्रं सुरभितां नयेत् ॥६५॥
केसरं कोल मज्जा च स्थौणेयं¹³⁴ जातिसस्यकम्¹³⁵ ।
वटिका मधुनेतेषां¹³⁶ कृता¹³⁷ वक्त्रं सुवासयेत् ॥६६॥
मुराकिञ्जल्ककुष्ठानां चूर्णं लीढं हि सन्ध्ययोः¹³⁸ ।
कर्पूरगन्धि¹³⁹ वदनं कुर्यान्मासार्थतो ध्रुवम् ॥६७॥
काम्बोजिवीजकुष्ठोत्थं¹⁴⁰ चूर्णं मधुघृतान्वितम्¹⁴¹ ।
यो लेढि मासं तद्वक्त्रं¹⁴² केतकीगन्धवद्भवेत्¹⁴³ ॥६८॥
आम्रपत्ररसे क्षारं मार्गवृक्षभवं क्षिपेत् ।
संशोष्य भानुकिरणैर्भक्षेत्ताम्बूलमध्यगम्¹⁴⁴ ॥६९॥
प्रातः प्रतिदिनं यस्तु सुगन्धि स्यात्तदाननम्¹⁴⁵ ।
सर्वेषु सुखवासस्य¹⁴⁶ योगेष्वयमनुत्तमः ॥७०॥
इति श्रीलाडखानविनोदाय महाकवि कल्याणमल्लविरचिते
ऽनङ्गरङ्गे वशीकरणादिनिरूपणं नाम
सप्तमः स्थलः ॥ ७ ॥