अनङ्गरङ्ग (महाकवि कल्याणमल्ल - कामशास्त्र एवं रति-प्रयोग संस्कृत मूल पाठ)

३२ अनङ्गरङ्गः [ सप्तमः
गोरोचनां च सम्भाव्य स्वपुष्परुधिरेण या ।
कुर्यात्तत्तिलकं ¹³ भाले सा पतिं मोहयेद्ध्रुवम् ॥ ८ ॥
॥ अथाञ्जनविधिः ॥
महाष्टमीदिने यत्तु ¹⁴ श्मशाने नरमस्तके ।
पातितं ¹⁵ कज्जलं ¹⁶ विश्वं मोहयेन्नयनाञ्जनात् ¹⁷ ॥ ९ ॥
रोचना केसरं कन्या शिला चैभिर्विलोचने ।
योजयेद्दृष्टिपथगं ¹⁸ सर्वमेव विमोहयेत् ॥ १० ॥
तालीसकुष्ठतगरैर्लिप्त्वा ¹⁹ क्षौमीं ²⁰ सुवर्तिकाम् ।
सिद्धार्थतैले निक्षिप्य कज्जलं नरमस्तके ॥ ११ ॥
पातयेदञ्जनात्तस्य ²¹ सर्वदा भुवनत्रये ।
दृष्टिगोचरमायातं सर्वो भवति दासवत् ॥ १२ ॥
शिलाकिञ्जल्कफलिनीरोचनानां तथाञ्जनम् ²² ।
पुष्यार्कयोगे विहितं दम्पत्योर्मोहनं परम् ॥ १३ ॥
॥ अथ चूर्णविधिः ॥
काकजङ्घा सिता पक्षौ भ्रामरौ कुष्ठमुत्पलम् ²³ ।
मूलं तगरजं चैषां ²⁴ चूर्णं क्षिप्तं ²⁵ विमोहयेत् ॥ १४ ॥
वात्यान्तिकदलं ²⁶ पुंसो मलं माला शवस्य च ²⁷ ।
पक्षावलेरिदं ²⁸ चूर्णं क्षिप्तं शिरसि ²⁹ मोहनम् ॥ १५ ॥
सप्तच्छदं शिवाक्षं ³⁰ च सक्षौद्रं तु ³¹ समांशकम् ।
अमीषां शिरसि क्षिप्तं चूर्णं मोहकरं परम् ³² ॥ १६ ॥
॥ अथ भक्षणविधिः ॥
अन्त्रादि सर्वं ³³ निष्कास्य खञ्जरीटोदरं कुजे ³⁴ ।
पूरयित्वा स्ववीर्येण ³⁵ शरावयुगले क्षिपेत् ॥ १७ ॥