अनङ्गरङ्ग (महाकवि कल्याणमल्ल - कामशास्त्र एवं रति-प्रयोग संस्कृत मूल पाठ)

स्थलः ] रङ्गरङ्गः ३१
बाला²⁰⁸ तण्डुलतोयेन तैलमेतत्पिबेद्यदि ।
पीनोत्तुङ्गौ²⁰⁹ कुचौ तस्या न पतेतां²¹⁰ कदाचन ॥९९॥
इति श्रीलाडखानविनोदाय महाकवि कल्याणमल्लविरचिते
ऽनङ्गरङ्गे द्रावणादिनिरूपणं नाम
षष्ठः स्थलः ॥ ६ ॥
अथ सप्तमः स्थलः ।
॥ अथ वशीकरणादिकं निरूप्यते ॥
सारमुद्धृत्य संक्षेपाद्वशीकरणमोहनम् ।
कामिनां प्रीतिजननं¹ किंचिदत्र निगद्यते ॥ १ ॥
॥ तत्रादौ तिलकविधिः ॥
लज्जालुर्मधुकं हव्यं² नलिनीमूलमेव च ।
एतत्पिष्ट्वा³ स्ववीर्येण यः कुर्यात्तिलकं पुमान्⁴ ॥ २ ॥
तत्क्षणादेव नयति⁵ वशतां भुवनत्रयम् ।
वात्स्यायनेन मुनिना प्रोक्तो योगो ऽयमुत्तमः⁶ ॥ ३ ॥
सितार्कमूलं⁷ मञ्जिष्ठा वचा मुस्तं सकुष्ठकम्⁸ ।
स्त्रीयोनिशोणितेनैतदेकीकृत्य ललाटके ॥ ४ ॥
शुभं तिलकमाधत्ते यः स लोकत्रयं क्षणात् ।
नयति स्ववशं प्राज्ञः सुचिरं मोदते भुवि⁹ ॥ ५ ॥
तगरं पिप्पलीमूलं मेषशृङ्गी कणा जटा ।
एतत्समं स्वपञ्चाङ्गमलैर्नीत्वैकतां¹⁰ सुधीः ॥ ६ ॥
मधुना तिलकं कुर्याद्यः¹¹ क्षोणीसुतवासरे ।
जगत्सर्वं¹² वशीकुर्यात्स पुमान्नात्र संशयः ॥ ७ ॥