अनङ्गरङ्ग (महाकवि कल्याणमल्ल - कामशास्त्र एवं रति-प्रयोग संस्कृत मूल पाठ)

३० अनङ्गरङ्गः [ षष्ठः
॥ अथ मुखकण्टकहरणम् ॥
वचासावरधान्यानां लेपनाद्यौवनोद्भवाः$^{186}$ ।
मुखस्थाः$^{187}$ पिटका यान्ति नरनार्योः क्षयं त्र्यहात्$^{188}$ ॥
कण्टकैः शाल्मलीयैश्च क्षीरपिष्टैर्विलेपयेत्$^{189}$ ।
मुखं तस्यापि पिटका$^{190}$ नाशं गच्छन्त्यसंशयम् ॥८९॥
लोध्रसैन्धवसिद्धार्थवचानां परिलेपनात् ।
गण्डस्थाः पिटका यान्ति देहिनां संक्षयं क्रमात्$^{191}$ ॥९०॥
॥ अथ मुखनीलीहरणम् ॥
तिलद्विजीरसिद्धार्थान्पिष्ट्वा क्षीरेण$^{192}$ लेपयेत् ।
यः सप्ताहं जयेन्नीलीं चन्द्रवद्वदनं भवेत् ॥९१॥
गैरिकं शोणयष्टी$^{193}$ च मेघनादो$^{194}$ निशाद्वयम् ।
पिष्ट्वा रम्भाम्भसा लेपात्सप्ताहं$^{195}$ नीलिकां जयेत् ॥९२॥
॥ अथ कुचसंस्कारः ॥
वाजिगन्धावचाकुष्ठकणाश्वारिलवङ्गकम्$^{196}$ ।
नवनीताम्बुसंमिश्रं$^{197}$ लेपात्कुर्यात्कुचान्पृथून्$^{198}$ ॥९३॥
कोलमज्जा हयारिश्च भुजगस्य वसा समा ।
एतेषां मर्दनात्स्त्रीणां कुचाः$^{199}$ संयान्ति पीनताम् ॥९४॥
श्रीपर्णीरससंसिद्धतिलतैलविलेपनात्$^{200}$ ।
पतितावपि संकुर्यात्पीनोत्तुङ्गौ$^{201}$ कुचौ स्त्रियाः ॥९५॥
दाडिमीकल्कसंसिद्धकटुतैलविमर्दनम्$^{202}$ ।
स्तनौ चारुतरौ पीनौ नित्यं कुर्यान्मृगीदृशः$^{203}$ ॥९६॥
तैलं तिलोद्भवं$^{204}$ गव्यं घृतं चार्कपयः समम् ।
बला श्यामलता व्योषं लज्जालुश्च$^{205}$ निशाद्वयम् ॥९७॥
एतेषां कल्कसहितं पचेन्मृद्वग्निना$^{206}$ सुधीः ।
तल्लेपेन$^{207}$ कुचाः स्त्रीणां शीघ्रं यान्ति विशालताम् ॥९८॥