अनङ्गरङ्ग (महाकवि कल्याणमल्ल - कामशास्त्र एवं रति-प्रयोग संस्कृत मूल पाठ)

२६ अनङ्गरङ्गः [ षष्ठः
वाजिगन्धावचाव्योषनिशेन्दीवरकुष्ठकैः⁹¹ ।
तोयपिष्टैः स्मरागारं लिप्तं गाढतरं⁹² भवेत् ॥ ४५ ॥
'मधुककाष्ठसारेण⁹³ श्लक्ष्णेन⁹⁴ मधुना सह ।
वराङ्गं पूरितं यत्नादत्यन्तं दृढतां व्रजेत्⁹⁵ ॥ ४६ ॥
॥ अथ योनिसंस्कारः ॥
लघ्वग्नौ⁹⁶ सार्षपं तैलं जातिपुष्पैः प्रसाधयेत् ।
नारीगुह्यं तदभ्यङ्गात्सुगन्धि सुरते भवेत्⁹⁷ ॥ ४७ ॥
सुरदारुतिलारिष्टदाडिमाञ्जनकाञ्चनैः⁹⁸ ।
तैलं सुसिद्धमभ्यङ्गाद्योनिं सुरभितां नयेत्⁹⁹ ॥ ४८ ॥
॥ अथ लोमशातनम् ॥
कटुतैले नागचूर्णं क्षिप्त्वा सप्ताहमातपे ।
निधेयं मर्दनात्तत्तु योनिलोमापहारकम्¹⁰⁰ ॥ ४९ ॥
सप्ताहं¹⁰¹ भावितं शङ्खभस्म रम्भाम्भसा ततः¹⁰² ।
तालेन युक्तं हरति योनिलोमानि योषिताम्¹⁰³ ॥ ५० ॥
हरितालं पलाशस्य भस्म रम्भाजलान्वितम् ।
एतस्य लेपाल्लोमानि¹⁰⁴ न रोहन्ति कदाचन ॥ ५१ ॥
॥ अथ नष्टपुष्पसमुद्भवविधिः ॥
भृष्टं¹⁰⁵ ज्योतिष्मतीपत्रं जपापुष्पं¹⁰⁶ च वारिणा ।
पिष्ट्वा पिबति सा भूयो नष्टपुष्पं प्रविन्दति¹⁰⁷ ॥ ५२ ॥
तण्डुला देवकाष्ठं च दूर्वापत्रं समं त्रयम्¹⁰⁸ ।
वारिपिष्टं¹⁰⁹ पिबेद्या च¹¹⁰ नष्टपुष्पं¹¹¹ लभेत सा¹¹² ॥ ५३ ॥
॥ अथ पुष्पाधिक्यनिवारणम् ॥
पथ्या रसाञ्जनं धात्री त्रयं पिष्ट्वाम्भसा¹¹³ समम् ।
पिबेद्यात्यधिकं¹¹⁴ पुष्पं सप्ताहात्परिनाश्येत्¹¹⁵ ॥ ५४ ॥