अनङ्गरङ्ग (महाकवि कल्याणमल्ल - कामशास्त्र एवं रति-प्रयोग संस्कृत मूल पाठ)

२४ अनङ्गरङ्गः [ षष्ठः
स्वरसैर्भावितं ⁴⁶ धात्रीचूर्णमाज्यसितान्वितम् ।
क्षौद्रेण विलिहन्नात्रौ ⁴⁷ वृद्धोऽपि तरुणायते ॥२२॥
कपिगोक्षुरगोरक्षबलानागबलाभवम् ⁴⁸ ।
चूर्णं च शतपत्रायाः ⁴⁹ पीतं क्षीरेण ⁵⁰ पौष्टिकम् ॥२३॥
सितासाधितगोक्षीरे ⁵¹ माषान्सम्भाव्य शोषयेत् ।
भानुपदैः पुनस्तेषां चूर्णस्य वटकं शुभम् ⁵² ॥२४॥
कृत्वा घृतेन संसाध्य प्रदोषे भक्षयेत्सदा ।
वृद्धोऽपि प्रबलो ⁵³ भूत्वा वनितानां शतं व्रजेत् ⁵⁴ ॥२५॥
मध्वाह्वचूर्णकर्षं ⁵⁵ वा लीढ्वा ⁵⁶ मध्वाज्यमिश्रितम् ।
पिबेत्तदनु गोक्षीरं यः स नारीशतं भजेत् ⁵⁷ ॥२६॥
बीजं सितपिकाक्ष्य ⁵⁸ तण्डुलाः षष्टिकोद्भवाः ⁵⁹ ।
द्वयोः कर्षं लिहन्नात्रौ मधुना दृढतां व्रजेत् ॥२७॥
शतपत्रारसं ⁶⁰ सर्पिः तुल्यं तद्दशधा पयः ⁶¹ ।
दत्त्वा संसाधितं क्षौद्रसिताभ्यां पौष्टिकं परम् ⁶² ॥२८॥
मृतायस्त्रिफलायष्टीचूर्णं ⁶³ मधुघृतान्वितम् ।
दिनान्ते लेढि यो नित्यं ⁶⁴ स नारीं सुरते जयेत् ॥२९॥
॥ अथ लिङ्गस्थूलीकरणम् ॥
लघु सूक्ष्मेण लिङ्गेन नैव तुष्यन्ति योषितः ।
अतस्तत्प्रीतये ⁶⁵ वक्ष्ये स्थूलीकरणमुत्तमम् ॥३०॥
बला नागबला कुष्ठं वचा द्विरदपिप्पली ।
वाजिगन्धा हयरिपुरिति ⁶⁶ सर्वं समांशकम् ॥३१॥
संचूर्ण्य ⁶⁷ नवनीतेन लिङ्गलेपो विधीयते ⁶⁸ ।
मुहूर्तादतिसूक्ष्मं च ⁶⁹ वाजिलिङ्गसमं भवेत् ॥३२॥