अनङ्गरङ्ग (महाकवि कल्याणमल्ल - कामशास्त्र एवं रति-प्रयोग संस्कृत मूल पाठ)

२१ अनङ्गरङ्गः [ षष्ठः
तस्माल्लोकहितार्थाय दम्पत्योः सुखसिद्धये ।
नानौषधविधानेन द्रवयुक्तिरुदीर्यते ॥ ३ ॥
मधुना सहितं घोषाचूर्णं⁵ यस्या वराङ्गके ।
निक्षिप्यते नताङ्गी सा पुंसः प्राग्द्रवतां व्रजेत्⁶ ॥ ४ ॥
शुद्धं शङ्करबीजं च जातीरसवमर्दितम्⁷ ।
वराङ्गमध्य निक्षिप्तं नारीं सन्द्रावयेद्द्रुतम्⁸ ॥ ५ ॥
चिञ्चाफलं ससिन्दूरं⁹ माक्षिकेण समन्वितम् ।
क्षिप्तं गुह्यान्तरे योषां¹⁰ प्रागेव द्रवतां नयेत् ॥ ६ ॥
कर्पूरं टङ्कणं शम्भुबीजं चेति¹¹ त्रिभिः समैः ।
सक्षौद्रैर्लिप्तलिङ्गस्तु¹² नरः सन्द्रावयेत्प्रियाम्¹³ ॥ ७ ॥
मध्वाज्यागस्त्यपत्रोत्थ रससंमर्दितेन च¹⁴ ।
टङ्कणेन ध्वजं लिप्त्वा द्रावयेदबलां नरः¹⁵ ॥ ८ ॥
जीर्णो गुडश्चिञ्चिकाफलं च
घोषारज¹⁶ क्षौद्रयुतं समांशम् ।
एभिर्ध्वजं यः परिलिप्य शेते¹⁷
कुर्यात्स¹⁸ रेतश्च्युतिमङ्गनानाम् ॥ ९ ॥
मरिचकनकबीजैः पिप्पलीलोध्रयुक्तै¹⁹-
र्विमलमधुविमिश्रैर्मानवो लिप्तलिङ्गः ।
स्मरसमरविलासे कष्टसाध्यां च नारीं²⁰-
मपगतरतरागां²¹ संविदध्यादवश्यम्²² ॥ १० ॥
॥ अथ स्तम्भनविधिः ॥
पतनान्मदनाम्भसो द्रुतं²³
परितोषो न भवेद्विलासिनाम्²⁴ ।