अनङ्गरङ्ग (महाकवि कल्याणमल्ल - कामशास्त्र एवं रति-प्रयोग संस्कृत मूल पाठ)

स्थलः ] अनङ्गरङ्गः ९
कृमयो रुधिरोद्भवास्त्रिधा
लघुमध्योरुबलाः स्मरालये ।
जनयन्ति बलानुसारतो
बहुकण्डूं वनिताजनस्य ते ॥ ६ ॥
प्रमाणहीनलिङ्गेन सा कण्डूर्नोपशाम्यति¹² ।
अतो न नीचसम्भोगे¹³ तृप्तिं गच्छन्ति योषितः ॥ ७ ॥
वराङ्गमध्यं नारीणामत्यन्तं कोमलं स्मृतम्¹⁴ ।
अतिप्रमाणलिङ्गेन नातस्तासां¹⁵ सुखं भवेत् ॥ ८ ॥
समप्रमाणलिङ्गेन स्थूलेन सुदृढेन च ।
शमयन्मूलकण्डूतिं¹⁶ स्पन्दयंश्च मुहुर्मुहुः ॥ ९ ॥
कामकेलिकलाभिज्ञः सुखयन्विविधैर्गुणैः¹⁷ ।
विसृष्टकामसलिलां वशीकुर्यान्मृगीदृशम् ॥ १० ॥
नारी विसृष्टकुसुमेषुजला रतान्ते
नृत्यं करोति बहुवल्गनरोदने¹⁸ च ।
वैकल्यमेति मुकुलीकृतचारुनेत्रा
शक्नोति नो किमपि सोढुमतिप्रयासम् ॥ ११ ॥
चिरमध्यमशीघ्रसम्भवा
नरनार्योस्तु विसृष्टिरुच्यते ।
समयमितिम्भेदतो¹⁹
नवधैवं सुरतं समीरिताम् ॥ १२ ॥
चण्डमध्यमन्दाख्यांस्त्रीन्वेगांस्तु²⁰ विदुस्तयोः ।
क्रिया च²¹ त्रिविधा प्रोक्ता लघुमध्यचिरोदया ॥ १३ ॥
अत्रापि कालभेदेन नवधात्वं समूहयेत् ।
सप्तत्रिंशतिसंख्या हि कीर्तितेवं रतिर्बुधैः²² ॥ १४ ॥