अनङ्गरङ्ग (महाकवि कल्याणमल्ल - कामशास्त्र एवं रति-प्रयोग संस्कृत मूल पाठ)

स्थलः ] अनङ्गरङ्गः ७
परिरभ्य दृढं रदच्छदं
पिबन्नाघातरतो वराङ्गके⁴¹ ।
नखरैः परितो विदारय-
न्स्ववशं शम्भुतिथौ⁴² नयेत्प्रियाम् ॥१४॥
विलिखन्नखरैः⁴³ शिरोधरा-
मथ गृह्णंश्च कुचौ ससीत्कृतम्⁴⁴ ।
परिचुम्ब्य कपोलमङ्गनां
श्लथयेदाशु तिथौ मनोभवः⁴⁵ ॥१५॥
॥ अथ हस्तिनीचन्द्रकला ॥
मदनसदनमुच्चैर्मर्दयन्नाभिमूले
तरलितनिजपाणिर्दन्तवासो निपीय⁴⁶ ।
मृदुतरकरजाग्रैः संलिखन्पार्श्वदेशं⁴⁷
कलितकुच इभीनां⁴⁸ वल्लभः स्यान्नवम्याम् ॥१६॥
नयने परिचुम्ब्य कक्षयो-
र्नखघातरतः स्मरालये ।
रचयन्करिकेलिमानये-
त्स्ववशं शम्भुतिथौ⁴⁹ द्विपाङ्गनाम् ॥१७॥
नानालिङ्गनचुम्बनानि रचयन्प्रायेण तीक्ष्णैर्नखैः⁵⁰
कक्षोरुस्तनमण्डलान्यकरुणं संदारयन्केलिषु⁵¹ ।
कामागारचुचूलिकाश्रितकरः⁵² संत्यक्तरत्यम्बुकां
दर्शे पूर्णतिथौ च निःसहतनुं⁵³ कुर्यान्नरो हस्तिनीम् ॥१८॥
इति श्रीलाडखानविनोदाय महाकवि कल्याणमल्लविरचिते
ऽनङ्गरङ्गे चन्द्रकलानिरूपणं नाम
द्वितीयः स्थलः ॥ २ ॥