अनङ्गरङ्ग (महाकवि कल्याणमल्ल - कामशास्त्र एवं रति-प्रयोग संस्कृत मूल पाठ)

६ अनङ्गरङ्गः [ द्वितीयः
विलिखन्द्रुतमेव चित्रिणीं
' ननु²⁶ षष्ठ्यां द्रवतां नयेन्नरः ॥८॥
कण्ठे संपरिरभ्य बाहुलतया नाभिं²⁷ लिखन्पाणिजैः
दष्ट्वा चापि रदच्छदं सपुलकं गृह्णन्नुरोजद्वयम्²⁸ ।
कुर्वन्मन्मथमन्दिरे करिकरक्रीडायितं बुद्धिमा-
नष्ठम्यां स्मरवारिनिर्झरवतीं²⁹कुर्वीत चित्रप्रियाम् ॥९॥
कर्णोरुस्तनमध्यपृष्ठमदनागारेषु कव्यां तथा
कामिन्या निजवामपाणिकमलं कान्तः समालोडयन्³⁰ ।
ग्रीवां³¹ पाणिरुहैर्लिखंश्च शनकैश्चुम्बँल्ललाटं भृशं
कुर्यादाशु विसृष्टमन्मथजलां रामां दशम्यां तिथौ ॥१०॥
गाढं संपरिरभ्य गण्डफलके³² चुम्बन्दशंश्चाधरं³³
कर्णश्रोणिनखप्रदानरसिकः कुर्वन्निमेषं दृशोः³⁴ ।
सङ्कर्षंश्चिकुरान्विलासकुशलः³⁵ सीत्कारयुक्तां प्रियां
द्वादश्यां त्वरयातिविह्वलतनुं कुर्यात्पुमांश्चित्रिणीम् ॥११॥
॥ अथ शङ्खिन्याश्चन्द्रकला ॥
बाहुभ्यां³⁶ परिरभ्य गाढमधरं दन्तैर्दशन्निर्दयं
दोर्मूले खरपाणिजक्षतचयं³⁷ यच्छन्यथेष्टं भृशम् ।
संकुर्वञ्छुरितं कुचद्वयतटे नूनं तृतीयातिथौ³⁸
मुक्तानङ्गजलां स्वकीयवशगां कुर्यान्नरः³⁹ शङ्खिनीम् ॥१२॥
वक्षःकपोलगलकर्णपदेषु यच्छ-
न्यायो नखानि परिरभ्य कृतास्यपानः⁴⁰ ।
गाढं विमर्द्य मदनालयमाशुरीं न
संद्रावयेन्नरवरः किल सप्तमीषु ॥१३॥