अभिधर्मकोश एवं भाष्य (आचार्य वसुबन्धु - स्फुटार्था व्याख्या सहित सम्पूर्ण बौद्ध दर्शन महाकोश)

६८० भाष्यस्फुटार्थासहितेऽभिधर्मकोशे [ कर्म-
न त्वभिध्यादयः प्रयोगा युज्यन्ते । न हि चित्तोत्पादमात्रेण प्रयुक्तो भवति;
क्रियानारम्भात् ।
सूत्र उक्तम्—"प्राणातिपातो भिक्षवस्त्रिविधः—लोभजः, द्वेषजः, मोहजो
यावन्मिथ्यादृष्टिः" ( ) इति । तत्र कीदृशः प्राणातिपातो लोभज
इत्येवमादि वक्तव्यम् । नात्र सर्वेषां कर्मपथानां लोभादिभिर्निष्ठा ?
प्रयोगस्तु त्रिमूलजः ॥ ६८ ॥
प्रयोगस्तेषामकुशलमूलत्रयाज्जात इत्यादिसमुत्थानवचनादेवमुक्तः ।
तत्र लोभजप्राणातिपातो यथा—तच्छरीरावयवार्थमर्थार्थं क्रीतार्थं च प्राणिनं
जीविताद् व्यपरोपयति आत्मसुहृत्परित्राणाय ।
द्वेषजो यथा—वैरनिपीडनार्थम् ।
मोहजो यथा—याज्ञिकानां धर्मबुद्ध्या राज्ञां च धर्मपाठक