उपवनविनोद (आचार्य शार्ङ्गधर - वृक्षायुर्वेद, भू-जल संधान एवं उद्यान-विज्ञान सटीक)

SCIENCE OF ARBORI-HORTICULTURE IN ANCIENT INDIA 55
खर्जूरबिल्बलकुचाः सितसर्षपेण
पिण्याकतश्च तुषबारिशेन चान्नाः ।
ऐरावता निचुलपत्रजलोद्धतेन
सत्रीहिमां ससलिलेन च यान्ति वृद्धिम्ª ॥ १४८
प्राचीनामलकतरवः प्रिया हि माषाः
क्षीराम्भो हितमिह बालतिन्दुकानाम् ।
प्रीयन्ते यवरजसा च नालिकेराः
सर्वेषां भवति रुचिर्हि निम्नभूमौ ॥ १४९
कुरङ्गकिटिसारङ्गशृगालाश्वादिमेदसा ।
कथितेन सदुग्धेन पञ्चपल्लववारिणा ।
कृतसेको भवेदाशु सहकारोऽतिसौरभः ॥ १५०
घृतकुणपवचावराहविष्ठा-
सलिलमतीव सुखाय दाड़िमानाम् ।
कथितमथ कुलत्थचूर्णकं वा
जलमपि वृद्धिकरं सदा शफर्य्याःᵇ ॥ १५१
यष्टिफलाशफरीघृतलिप्तो
धूपित आद्यफलत्रयधूपैःᶜ ।
आम्रफलैरिह दाड़िमशाखी
तालफलानि विडम्बयतीव ॥१५२
दधिमस्तुकाञ्जिकसुराबदरी-
तिलमेथिकाकुणपसीधुपयः ।
फलिनीकदम्बकरिकेसरका-ᵈ
न्कुरुते सुगन्धिबहुपुष्पयुतान् ॥१५३
(a) गणनाथ—एलावता निचुल-पत्र-जलोचिता हि
सत्रीहिया तु सलिलेन च यान्ति वृद्धिम् ॥
(b) ,, निजमपि बद्धिकर' सदा फलाका' ॥
(c) ,, यष्टिफलाशफरीदललिप्तो
धूपित आज्य फलचय etc.
(d) ,, फलिनी-कदम्ब-करिकेशरकान् etc.