तन्त्रालोक (प्रथम भाग - जयरथ विवृति सहित)

७० श्रीतन्त्रालोकः ।
त्रोत्तरं ज्ञानम्, इत्यादिः पूर्वसूत्रप्रतिज्ञातोऽर्थो
निर्वाहितः । एवं सांख्यपातञ्जलयोः प्रकृतिपृथग्भा-
वेन पुंज्ञानस्य साम्येऽपि सांख्येभ्यः पातञ्जलानामी-
श्वरप्रणिधानात् तद्विशिष्यते, इति तेषां पुंस्तत्त्वो-
र्ध्ववर्तिनियतितत्त्वप्राप्तिरुक्ता ।
‘षड्विंशकं तु देवेशि योगशास्त्रे परं पदम् ।’
इति । एवं च मौसुलपाशुपतादीनामपि यथायथं
ज्ञानातिशयादूर्ध्वोर्ध्वतत्त्वावाप्तिः परं पदम् इति ।
तदुक्तं
‘मौसुले कारुके चैव मायातत्त्वं प्रकीर्तितम् ।’
इति । तथा
‘व्रते पाशुपते प्रोक्तमैश्वरं परमं पदम् ।’
इति । तत्रैवं बौद्धादीनां मायीयादेव मलादंशां-
शिकया, मौसुलानां कार्मादपि, पाशुपतानाम्
अनात्मनि आत्माभिमानात् आणवादपि मलान्मो-
चकं ज्ञानम् इत्युक्तं ‘समासव्यासाभ्याम्’ इति ३३॥
पं० ४ क० पु० प्रणिधानाद्विशिष्यते इति पाठः ।
पं० ६ क० पु० षड्विंशकं महादेवीति पाठः ।
पं० १५ ख० पु० आत्मताभिमानादिति पाठः ।