तन्त्रालोक (प्रथम भाग - जयरथ विवृति सहित)

३८ श्रीतन्त्रालोकः ।
वामौ, ईशाघोरौ, अघोर-वामौ - इति द्व्यात्मकं
भेदत्रयमेव अवशिष्यत - इति त्रयो द्विकभेदाः ।
तथा पञ्चानामपि ईश-तत्पुरुषाजातवामाघोराणां
त्र्यात्मकत्वेन संमीलनायामीशानस्य क्रमेण इतर-
वक्त्रसंभेदे षट्, तत्पुरुषस्य त्रयः, तथा सद्योजातस्य
तदवशिष्टवक्त्रसंभेदेऽपि एक एव - इति दशविधत्वे-
ऽपि ईश-तत्पुरुष-सद्योजातात्मनः प्रथमत्रिकस्य
शिवभेदेषु उक्तत्वात् ईश-वामाघोरात्मनः शिष्टस्य
त्रिकस्य व्यापारान्तरेण नियोक्ष्यमाणत्वाच्च त्र्यात्मक-
भेदाष्टकमेवावशिष्यते - इत्यष्टावेव त्रिकभेदाः ।
अत एव एकककथनं चिन्त्यमिति न वाच्यम्,-
तत्पुरुषाजात-वामाघोराणां हि द्व्यात्मकतया चतुरा-
त्मकतया वा ज्ञानजनने संयोगनिषेधो विवक्षितः,
त्र्यात्मकतायामपि तथाभावे हि बहूनां भेदानां
निषेधः प्रसज्यते - इति भेदसप्तककथनमपि न्याय्यं
पं० १ क० पु० द्व्यात्मकभेदत्रयमिति समस्तः पाठः ।
पं० ७ ख० पु० जातात्मान इति पाठः ।
पं० ८ ख० पु० घोरात्मान इति पाठः ।
पं० ११ क० पु० अत एव एकैककथनमिति पाठः ।