तन्त्रालोक (प्रथम भाग - जयरथ विवृति सहित)

३२ श्रीतन्त्रालोकः ।
भगवत्याख्या अस्य दूती, कुलप्रक्रियायां हि दूती-
मन्तरेण क्वचिदपि कर्मणि नाधिकारः इत्यतस्त-
त्सहभावोपनिबन्धः ।
‘योक्ता संवत्सरात्सिद्धिरीह पुंसां भयात्मनाम् ।
सा सिद्धिस्तत्त्वनिष्ठानां स्त्रीणां द्वादशभिर्दिनैः ॥
अतः सुरूपां सुभगां सरूपां भाविताशयाम् ।
आदाय योषितं कुर्यादर्चनं यजनं हुतम् ॥’
इति । ‘शास्त्रमार्गो’ विमलो जातः इत्यनेनास्य
त्रिकाद्यागमव्याख्यातृत्वमपि प्रकाशितम् । यदुक्त-
मनेनैव
‘इत्यागमं सकलशास्त्रमहानिधाना-
च्छ्रीशंभुनाथवदनादधिगम्य सम्यक् ।
शास्त्रे रहस्यरससंततिसुन्दरेऽस्मिन्
गम्भीरवाचि रचिता विवृतिर्मयैयम् ॥’
इति ॥ १३ ॥
इदानीं स्वप्रवृत्तिप्रयोजनादि आचक्षाणो ग्रन्थ-
कारो ग्रन्थकरणं प्रतिजानीते
पं० ६ ख० पु० सुरूपां भाविताशयामिति पाठः