तन्त्रालोक (प्रथम भाग - जयरथ विवृति सहित)

श्लोकः २७८ ] प्रथमाह्निकम् । २८५
अनेनैव नयेन स्या-
त्सम्बन्धान्तरमप्यलम् ।
शास्त्रवाच्यं फलादीनां
परिपूर्णत्वयोगतः ॥२७६॥
एतदेव संकलयति
इत्थं संविदियं देवी
स्वभावादेव सर्वदा ।
उद्देशादित्रयप्राणा
सर्वशास्त्रस्वरूपिणी ॥२७७॥
इत्थम्-उक्तेन प्रकारेण, सर्वदा संविदेव इयं भग-
वती स्वस्वातन्त्र्यात् उद्देशादित्रयप्राणेन सर्वात्मना
शास्त्रेण स्वरूपिणी-शास्त्रात्मना संविदेव अवभा-
सते इत्यर्थः ॥२७७॥
तत्र उद्देशस्वरूपमेव तावदाह
तत्रोच्यते पुरोद्देशः
पूर्वजानुजभेदवान् ।
पं० १ क० पु० अनेनैव त्रयेणेति पाठः ।
पं० ११ घ० पु० स्वातन्त्र्यात् आदेशादीति पाठः ।