तन्त्रालोक (प्रथम भाग - जयरथ विवृति सहित)

श्लोकः २६० ] प्रथमाह्निकम् । २७१
यदा पुनर्निश्चयोपयोगिनां सर्वविशेषाणां सृष्ट-
त्वात् स्रक्ष्यमाणो विशेषांश उपरमेत् - विशेषविषया
सृष्टिः समाप्येत, तदा स एव उद्घाटितात्मप्रथा-
रूपत्वात् 'स्थाणुरेवायम्' इति प्रत्ययात्मा निश्चयः
स्यात् । एतदुत्पादे च प्रमातुरिच्छैव निबन्धनम्
इत्युक्तं 'मातुरुचितः' इति । प्रमाता हि यावदेव
'ज्ञातं मया' इति परितुष्येत्, तावदेव निश्चितं
भवति इति भावः, अन्यथा पुनः स कदाचिदपि
न भवेत् - प्रमात्रिच्छायामेवाविश्रान्तेः । तदाह
'नान्यथा कल्पकोटिभिः' इति ॥ २५६ ॥
न केवलमस्य निश्चयमात्ररूपत्वमेवास्ति, यावल्ल-
क्षणादिरूपत्वमपि इत्याह
तस्याथ वस्तुनः स्वात्म-
वीर्याक्रमणापाटवात् ।
उन्मुद्रणां तयाकृत्या
लक्षणोत्तरनिर्णयाः ॥२६०॥
पं० ५ क० पु० प्रमात्रिच्छयैव निर्बन्ध इति पाठः ।
पं० ९ क० ग० पु० मात्रिच्छायामेव विश्रान्तेरिति पाठः ।
पं० ११ ख० पु० निश्चयमात्रत्वमिति पाठः ।
पं० १६ क० पु० निर्णयमिति पाठः ।