तन्त्रालोक (प्रथम भाग - जयरथ विवृति सहित)

२०२ श्रीतन्त्रालोकः ।
काल्पनिक एव उपायोपेयभावः, तत्र का नाम इयं
वार्ता इति भावः । तदेवम् इच्छाज्ञानक्रियात्मक-
त्वाद् उपायस्य त्रैविध्येऽपि तदुपैयभूतेऽपवर्गे न
कश्चित् भेदः इति सिद्धम् ॥ १६६ ॥
न केवलं युक्तित एव एतत्सिद्धं यावदागमतोऽपि
इत्याह
तदेतत्त्रिविधत्वं हि
शास्त्रे श्रीपूर्वनामनि ।
आदेशि परमेशित्रा
समावेशविनिर्णये ॥ १६७ ॥
तत्रत्यमेव ग्रन्थं पठति
अकिंचिच्चिन्तकस्यैव
गुरुणा प्रतिबोधतः ।
उत्पद्यते य आवेशः
शाम्भवोऽसावुदीरितः ॥ १६८ ॥
उच्चाररहितं वस्तु
चेतसैव विचिन्तयन् ।
पं० ६ क० पु० परमेशेनेति पाठः ।
पं० १२ ख० पु० चिन्तकस्येवेति, प्रतिबोधित इति च पाठः ।