तन्त्रालोक (प्रथम भाग - जयरथ विवृति सहित)

१५४ श्रीतन्त्रालोकः ।
'ब्राह्मी माहेश्वरी चैव कौमारी वैष्णवी तथा ।
वाराही च तथेन्द्राणी चामुण्डा चेति मातरः ॥'
इति । अष्टकेन अघोरादिना । स एव एतदष्टकम-
ध्यवर्ती नवात्मा । दशदिक्छक्तिः इति, यदुक्तं
'उमा दुर्गा भद्रकाली स्वस्ति स्वाहा शुभङ्करी ।
श्रीश्च गौरी लोकधात्री वागीशी दशमी स्मृता ॥'
इति । एकादश इति खण्डचक्रोक्ता । इयदन्तं
न्यूनसंख्यास्वीकारः भैरवः इति त्रयोदशः । अनेन
अधिकसंख्यासूत्रणम् ॥११०॥१११॥
तच्च अधिकसंख्याकत्वं निरवधि, इत्याह
एवं यावत्सहस्रारे
निःसंख्यारेऽपि वा प्रभुः ।
विश्वचक्रे महेशानो
विश्वशक्तिर्विजृम्भते ॥११२॥
सहस्रारे इति त्रिशिरोभैरवप्रथमपटलोक्ते । ग्रन्थ-
विस्तरभयात्तु न प्रातिपद्येन संवादितम् । निःसंख्यारे
इति भुवनादीनामानन्त्यात् । एवमपि एतस्मान्न व्य-
तिरिक्तम्, इत्याह विश्वशक्तिः इति । तदुक्तं
पं० ८ क० ग० पु० न्यूनस्वीकार इति, ख० पु० अनेन त्रयोदशकथनेन
अधिकेति च पाठः ।