तन्त्रालोक (प्रथम भाग - जयरथ विवृति सहित)

१५० श्रीतन्त्रालोकः ।
इति, नहि अत्र तदादेशमन्तरेण अधिकार एव भवेत्
ईत भावः । स्वसंवित् स्वानुभवः । सत्तर्को युक्तिः ।
पतिशास्त्रं भेदप्रधानं शैवम् । त्रिकं परादिशक्तित्रया-
भिधायकं शास्त्रम् । क्रमः चतुष्टयार्थः । समाहारेऽयं-
द्वन्द्वः । इह सर्वमेव स्वानुभवेन युक्त्या सामान्या-
गमेन विशेषागमेन च सिद्धमुपदिश्यते इत्यागमः ।
उपोद्घात इति उप — आशु संक्षेपेण ऊर्ध्वमादौ हन्यते
टंक्यते दीनार इव राजाभिधानं शास्त्रार्थो यस्मिन्
स तथा ॥ १०६ ॥
तदेवं प्रतिज्ञाय शास्त्रार्थगर्भीकारेण संप्रति अव-
तारयितुमाह
तस्य शक्तय एवैता-
स्तिस्रो भान्ति परादिकाः ।
सृष्टौ स्थितौ लये तुर्ये
तेनैता द्वादशोदिताः ॥ १०७ ॥
तस्य परमेश्वरस्य भैरवादिशब्दाभिधेयस्य, एताः
पं० २ क० पु० स्वसंविदनुभव इति पाठः ।
प० ७ ख० पु० उपांशु संक्षेपेयोति पाठः ।