तन्त्रालोक (प्रथम भाग - जयरथ विवृति सहित)

श्लोक ५३ ] प्रथमाह्निकम् । ९१
एवं च न केवलं नीलादेर्ज्ञेयस्य भावस्य प्रकाश-
मानत्वात्प्रकाशात्मकः शिवस्तत्त्वं यावत्तदभावस्या-
पि इत्याह
अवस्तुतापि भावानां
चमत्कारैकगोचरा ।
यत्कुड्यसदृशी नेयं
धीरवस्त्वेतादित्यपि ॥ ५३ ॥
यतो 'नास्त्यत्र घट' इत्येवंरूपापि बुद्धिर्बोधस्व-
भावत्वात्कुड्यादिजडपदार्थविलक्षणा अत एव घटा-
द्यभावोऽपि बुद्ध्यमानत्वात्परमानन्दैकघनबोधा-
त्मकशिवस्वभाव एव इत्यर्थः । तदाहुः
'अबोधोऽपि बुद्ध्यमानो बोधात्मभूत ईश्वर एव ।'
इति ॥ ५३ ॥
ननु सिद्धे प्रकाशे भावाभावरूपस्य ज्ञेयस्य तदे-
कपरमार्थत्वं सिद्ध्येत्, स एव पुनः केन प्रमाणेन
सिद्धः इत्याशङ्क्याह
पं० ६ क० पु० घटाभावोपीति पाठः ।