ताण्ड्य महाब्राह्मण / पञ्चविंश ब्राह्मण (सायण भाष्य एवं चिन्नस्वामी शास्त्री टीका सहित)

नवमाध्याये चतुर्थः खण्डः । ३२९
तसोमे विहव्यं शंसतीति यत् तेनेन्द्रमेवैषां वृङ्क्ते वर्जयति ॥ १४ ॥
अथास्य संसुतसोमस्य संस्थाभेदं पूर्वपक्षत्वेन दर्शयति—
यदीतरोऽग्निष्टोमः स्यादुक्थः कार्यो यद्युक्थोऽति-
रात्रो यो वै भूयान्यज्ञक्रतुः स इन्द्रस्य प्रियो भूयसैवैषां
यज्ञक्रतुनेन्द्रं वृङ्क्ते ॥ १५ ॥
यदीतरो यजमानान्तरेण क्रियमाणः सोमयागोऽग्निष्टोमः स्यात्,
अग्निष्टोमसाम्ना संस्थितो भवेत्तदोक्थ उक्थसंस्थः स्वकीयो
यज्ञः कार्य्यः । यदि परकीय उक्थसंस्थः स्यात्, तदानीमतिरात्रः का-
र्य्यः । एवमधिकसंस्थाकरणे को लाभः ? उच्यते—यो हि भूयान् बहु-
तरो बहुतुतशस्त्रसाध्यो यज्ञक्रतुः स एवेन्द्रस्य प्रिय इष्टो भवति ।
अतो भू