ताण्ड्य महाब्राह्मण / पञ्चविंश ब्राह्मण (सायण भाष्य एवं चिन्नस्वामी शास्त्री टीका सहित)

तिष्ठेरन् । वेदेर्दक्षिणभागे हि मार्जालीयं पितृलोकश्च दक्षिणत इति त-
त्तेन मार्जालीयोपस्थानेन पितृलोकमेव जयन्ति ॥ ११ ॥
अथ सदस उपस्थानं विधत्ते—
आयुर्णवस्तोभाभ्यांᳪसद उपतिष्ठन्ते ब्रह्म चैव तत्
क्षत्रञ्च जयन्ति ॥ १२ ॥
'हाउ३ आ विश्वतो दावन्विश्वतो न आ भर 'इत्यायुः, विश्वतो दा-
वन्विश्वतोन आ' इति नव स्तोभाः । सदसः पुरस्तात् स्थित्वा पूर्वेण
आयुः साम्नोपतिष्ठन्ते पश्चात् स्थित्वोत्तरेण आयुर्णवस्तोभेन साम्ना ।
उक्तं हि सूत्रकारेण 'यथा हविर्द्धाने तथा' इति । तत्र ज्योतिः शब्देन
समृद्धिवचनेन ब्रह्म च क्षत्रञ्च कीर्त्यत इति तत्तेन सामद्वयोपस्थानेन
ब्रह्म च ब्राह्मणजातिं क्षत्रं क्षत्रियजातिञ्च उभयमपि जयन्ति ॥ १२ ॥
अथ गार्हपत्योपस्थानं विधत्ते—
ऋश्यस्य साम्ना गार्हपत्यमुपतिष्ठन्ते ॥ १३ ॥
'हरीत इन्द्र श्मश्रूणि' 'इति गीयमानं ऋश्यस्य साम, तेन गार्हपत्यं
शालामुखीयमुपतिष्ठेरन् ॥ १३ ॥
अथैतत्साम स्तौति—
इन्द्रँᳪसर्वाणि भूतान्यस्तुवँस्तस्यर्श्य एकमङ्गम-
स्तुतमचायतदस्यैतेनास्तौत्तेनास्य प्रियं धामोपागच्छ-
त्प्रियमेवास्यैतेन धामोपगच्छन्ति ॥ १४ ॥
पुरा इन्द्रं फलकामनया सर्वाणि भूतान्यस्तुवन् तस्यैकमङ्गं गुह्य-
रूपमस्तुतं न केनापि स्तुतमासीत् ऋश्यैस्तदङ्गमचायत अजानत् ज्ञा-
त्वा च स तस्येन्द्रस्य तदङ्गमेतेन साम्नाऽस्तौत् तेनास्य प्रियं धामो-
पागच्छत् अत एतेनोपतिष्ठमाना अपि अस्येन्द्रस्य प्रियमेव धाम स्था-
नमुपगच्छन्ति, अस्मिन् साम्नि 'भुङिति प्रभुङितीन्द्रस्तसरेति' स्तोभ-
बलेन भोगसाधनं गुह्यमङ्गं प्रतीयते । 'इन्द्रस्तसरपूता' इत्यत्र च तसरश-
ब्देन तदेवोच्यते । तत्र शाट्यायनकम् 'ऋश्यास इन्द्र भुङिति मघवन्निन्द्र
भुङिति प्रभुङितीन्द्रस्तसरपूता २३४५ इति पुनः पुनस्तसरस्थिर-
गित्येतत्' इत्यादिकमनुसंधेयम् । अतो गुह्यस्य स्तुतिरधिगन्तव्या ॥१४॥
अस्य च निधनं प्रत्यक्षमुपेतव्यं न परोक्षेणेति विधत्ते—
यत् परोक्षं निधनमुपेयुर्ह्रीतमुखं प्रतिमुञ्चेरन् प्रत्य-
क्षमुपयन्ति ह्रीतमुखमेवापजयन्ति ॥ १५ ॥