ताण्ड्य महाब्राह्मण / पञ्चविंश ब्राह्मण (सायण भाष्य एवं चिन्नस्वामी शास्त्री टीका सहित)

पञ्चमाध्याये प्रथमः खण्डः । १४१
अधुनोभावपि समानस्तोमौ स्यातामिति केषाञ्चिन्मतमुपन्यस्यति—
तावाहुः समौ कार्यौ पञ्चदशौ वा सप्तदशौ वा
सवीवधत्वाय ॥ ११ ॥
तौ पक्षौ पञ्चदशस्तौमकौ सप्तदशस्तौमकौ वा समौ समानावेव
कार्याविति केचिदाहुः । किमर्थं ? सवीवधत्वाय समानवीवधत्वाय
इतरथा हि वैषम्यमेव दोषः स्यादिति ॥ ११ ॥
इमं पक्षं निराकृत्य पूर्वोक्तमेव पक्षं परिगृह्णाति—
तद्वाहुर्यत्समौ भवत एकवीर्यौ तर्हि भवत इति
पञ्चदशसप्तदशावेव कार्यौ साचीव वै वयः पक्षौ कृ-
त्वापतीयः पतति ॥ १२ ॥
तद् उ आहुरिति पदच्छेदः, उ इति पक्षान्तरपरिग्रहे । तत्र आहु-
र्ब्रह्मवादिनोऽभिज्ञाः । किमिति ? यद्यदि समौ समानस्तौमौ भवतः तर्हि
[L1