ताण्ड्य महाब्राह्मण / पञ्चविंश ब्राह्मण (सायण भाष्य एवं चिन्नस्वामी शास्त्री टीका सहित)

[Header]
चतुर्थाध्याये पञ्चमः खण्डः । ११७

कथं तत्र कर्त्तव्यमिति तदाह ।
त्रयस्त्रिंशादेव सप्तदश उपेत्यो वर्ष्म वै त्रयस्त्रिं-
शो वर्ष्म सप्तदशो वर्ष्मण एव तद्वर्ष्माभिसंक्रामन्ति ॥ १६ ॥
त्रयस्त्रिंशात् स्तोमात् पूर्वेद्युः क्रियमाणादेव अनन्तरं सप्तदश
एव स्तोम उपेत्यः उपगन्तव्यः । नन्वेवं सति कर्त्तप्रस्कन्दलक्षणो दोष
उक्त इति चेत् मैवं, त्रयस्त्रिंशः स्तोमो वर्ष्म अधिकसंख्यत्वात् श्रेष्ठः
खलु सप्तदशोपि प्रधानभूतानां पृष्ठस्तोत्राणां निर्वर्त्तकत्वात् वर्ष्म श्रेष्ठः ।
एवं सति यत् त्रयस्त्रिंशात्सप्तदशमुपयन्ति तद्वर्ष्मण एव श्रेष्ठादेव
वर्ष्म श्रेष्ठमभिसंक्रामन्ति अतः सदृशात्सदृशसंक्रान्तेः कर्त्तप्रस्कन्दल-
क्षणो दोषो न भवतीत्यर्थः ॥ १६ ॥
अथैतेषां स्वरसाम्नां संख्यानि