ताण्ड्य महाब्राह्मण / पञ्चविंश ब्राह्मण (सायण भाष्य एवं चिन्नस्वामी शास्त्री टीका सहित)

१०८ ताण्ड्यमहाब्राह्मणे
आर्षेयकल्पेनैव बोद्धव्यानि, तदेवं पूर्व्वस्मिन् पक्षसि चतुर्विꣳशाभिप्ल-
विकस्वरसामस्वरहःसु एकमेवाभीवर्त्तसाम पुनः पुनरावर्त्तनीयं, प्रगा-
थस्तु प्रत्यहं भिन्न इति स्थितं, तत्रादौ पञ्चमासाश्चतुरभिप्लवा इति तेषु
विंशतिशतमहान्याभिप्लविकानि भवन्ति षष्ठे तु त्रयोभिप्लवा इत्यष्टाद-
श त्रयः स्वरसामान इत्येकविंशतिः तदुभयम्मिलित्वा एकचत्वा-
रिंशच्छतमहानि भवन्ति । एतेष्वहःसु प्रगाथभेदस्योक्तत्वात्, के ते
स्तोत्रीयाः प्रगाथा द्व्यृचाश्चेत्याकांक्षायामाह--
पञ्चसु माःसु बार्हताः प्रगाथा आप्यन्ते ॥ १ ॥
पूर्व्वस्मिन् पक्षसि पञ्चसु माःसु मासेषु बार्हताः प्रगाथाः आप्य-
न्ते समाप्यन्ते । प्रगाथमुपलक्षणं बार्हतास्तृचाश्च समाप्यन्त इत्यर्थ