ताण्ड्य महाब्राह्मण / पञ्चविंश ब्राह्मण (सायण भाष्य एवं चिन्नस्वामी शास्त्री टीका सहित)

चतुर्थाध्याये चतुर्थखण्डः । १०७
एवमेव सत्रिणोऽपि सकृत्प्रयुक्तान् पुनरपि प्रयुञ्जानाः संवत्सरसत्रस्य
पारं प्राप्नुवन्ति ॥ १० ॥
प्रयुक्तस्य पुनः प्रयोगे दोषमाह--
य आस्तुतं कुर्वते यथा दुग्धामुपसीदेदेवन्तत् ॥ ११॥
आस्तुतं पूर्व्वस्तुतं प्रगाथं ये कुर्व्वते ते पुनः प्रयुञ्जते यथा दुग्धामु-
पसीदेत् दोग्धा दोग्धुमुपविशेत् एवमेव तद्भवति ॥ ११ ॥
एतदेव व्यतिरेकमुखेन द्रढयति--
ये नास्तुतं यं कामं कामयन्ते तमभ्यश्नवते ॥ १२ ॥
ये तु आस्तुतं सकृत्प्रयुक्तं न कुर्व्वते न पुनः प्रयुञ्जते यं कामं का-
मयन्ते तं प्राप्नुवन्ति ॥ १२ ॥
उक्तमर्थं विचारपूर्व्वकं नियमयति--
ब्रह्मवादिनो वदन्ति यातयामाः संवँत्सरा ३ अ-
यातयामा ३ इति ते नायातयामेति वक्तव्यं पुनरन्यानि
स्तोत्राणि निवर्त्तन्त ऊर्द्धमेव ब्रह्मसामेति ॥ १३ ॥
अस्मिन् गवामयनसत्रे ब्रह्मवादिनः परस्परमाहुः, किमिति ? अयं
संवत्सरः सत्रात्मकः किं यातयामो गतरसः उतायातयाम इति वि-
[L1