ताण्ड्य महाब्राह्मण / पञ्चविंश ब्राह्मण (सायण भाष्य एवं चिन्नस्वामी शास्त्री टीका सहित)

प्रायणीयातिरात्रानन्तरमनुष्ठेयं चतुर्विंशमन्यद्वितीयमहः बहुवक्त-
व्यत्वेन पश्चाद्विधास्यत इति यदवादि अतस्तदहर्विदधाति--
प्रायणीयमेतदहर्भवति ॥ १ ॥
एतद्वक्ष्यमाणमहः प्रायणीयं प्रकर्षेण यन्ति गच्छन्ति स्वर्गमनेनेति
व्युत्पत्तिः । एतत्संज्ञकं गवामयनस्य द्वितीयमहरनुष्ठेयं भवति । यद्यपि
श्रुत्यन्तरे प्रथमविहितस्यातिरात्रस्यैव प्रायणीय इति संज्ञा प्रसिद्धा त-
थापि प्रथमोत्तमयोरातिरात्रयोः सर्वत्र साधारणत्वादस्यैवाह्नो गवामयने
असाधारणं प्राथम्यमिति कृत्वा एतदादिकङ्गवामयनस्वरूपमित्यस्मिन्
द्वितीयेऽहनि प्रायणीयशब्दोऽत्र प्रयुज्यते ॥ १ ॥
उक्तमहर्नामनिर्वचनद्वारा प्रशंसति-
प्रा॒य॒णीये॑न वा अह्ना॑ दे॒वाः स्वर्गं लो॒कं प्राय॑न्न्यत्
प्राय॑ँ स्तत्प्रा॑यणी॒यस्य॑ प्रायणी॒यत्वम् ॥ २ ॥