४८७ परिशिष्टत्वेन संगृहीतः— [ अनु० ६१ ]
विविद्व्यथा इति । “विषॢ व्याप्तौ” इति धातोरुत्पन्नोऽयं शब्दः । विशेषेण विष्टि-
र्व्याप्तिर्यस्य ब्रह्मणस्तद्विविष्टिः । छान्दसः षकारस्य टकारः । तादृशं ब्रह्मोद्दिश्य स्वाहा
हुतमस्तु ।
ऋ॒ग्वि॒धा॒नाय॒ स्वाहा॑ ।
ऋग्विधानायेति । ऋचो विदधाति करोत्युत्पादयतीति ऋग्विधानः परमात्मा
तस्मै स्वाहा हुतमस्तु ।
क॒षोत्का॑य॒ स्वाहा॑ ।
कषोत्कायेति । “कष करणे” [इति] धातुः । कष्यते क्रियत इति कषो
नामरूपकर्मात्मकः कार्यप्रपञ्चस्तस्मिन्नुक्त उपकर्तुमुत्सुकः कषोत्कः परमेश्वरस्तादृशाय
सृष्ट्याद्युन्मुखाय परमेश्वराय स्वाहा ।
क्षु॒त्पि॒पा॒सा॒मलं॑ ज्ये॒ष्ठाम॒ल॒क्ष्मीर्नाश॑याम्य॒हम् ।
अभू॑तिमस॒मृद्धिं॑ च॒ *सर्वान्निर्णु॑द मे पा॒प्मानं॑ स्वाहा॑ ।
क्षुत्पिपासामलमिति । हे परमात्मन्नहं त्वत्प्रसादात्क्षुत्पिपासारूपं मलं लक्ष्म्या
ज्येष्ठामग्रजामलक्ष्मीमलक्ष्मीमभूतिमनैश्वर्यमसमृद्धिं धनधान्यादिसमृद्ध्यभावमेतान्सर्वा-
न्नाशयामि । किंच त्वं मे मदीयं पाप्मानं निर्णुद विनाशय । तदर्थं स्वाहा
तुभ्यं सुहुतमस्तु ।
अन्न॑मयप्राणम॒यम॑नोमयवि॒ज्ञान॑मयमान॒न्दम॑यमात्मा मे॑
शुध्य॑न्तां॒ ज्योति॑र॒हं वि॒रजा॑ विपा॒प्मा भू॑यास॒ꣳ स्वाहा॑ ॥
इति कृष्णयजुर्वेदीयतैत्तिरीयारण्यकदशमप्रपाठके नारायणोपनिषदि
षट्षष्टितमोऽनुवाकः ॥ ६६ ॥
अन्नमयेत्यादि । अन्नमयादयः पञ्च कोशा वारुण्यामुपनिषद्युक्ताः । पूर्ववदन्यत् ॥
इति कृष्णयजुर्वेदीयतैत्तिरीयारण्यकदशमप्रपाठके नारायणीयापरनामधेययुक्तायां
याज्ञिक्यामुपनिषदि भाष्ये षट्षष्टितमोऽनुवाकः ॥ ६६ ॥

* अत्र घ. पुस्तके सर्वो निर्णुदित्येव पाठः ।
१३.८ ॥