तैत्तिरीय आरण्यक (सायण भाष्य एवं भट्टभास्कर भाष्य सहित सम्पूर्ण प्रथम भाग)

प्रपा० ४ अनु० ८ ] कृष्णयजुर्वेदीयं तैत्तिरीयारण्यकम् । २८५
द्यावा॑पृथि॒वीभ्यां त्वा॒ परि॑गृह्णामि॑ ( ४ ) ।
कल्पः—"द्यावापृथिवीभ्यां त्वा परिगृह्णामीति शफाभ्यां महावीरं परिगृह्य" इति ।
हे महावीर त्वां द्यावापृथिवीदेवतारूपाभ्यां शफाभ्यां परिगृह्णामि ।
मन्त्रबलाद्द्यावापृथिवीपरिग्रहः सिध्यतीति दर्शयति—
द्यावापृथिवीभ्यां त्वा परिगृह्णामीत्याह । द्यावा-
पृथिवीभ्यामेवैनं परिगृह्णाति ( ७ ), इति ।
( प्रपा० ५ । अनु० ७ । विभा० २६ )
अ॒न्तरि॑क्षेण त्वोप॑यच्छामि ।
कल्पः---"प्रच्छिन्नाग्रेण वेदेन भस्म प्रमृज्यान्तरिक्षेण त्वोपयच्छामीत्युपयमनेन
प्रतिप्रस्थातोपयच्छति” इति । हे महावीर त्वामन्तरिक्षदेवतारूपेणोपयमनाख्यकाष्ठपा-
त्रेणोपयच्छाम