तैत्तिरीय आरण्यक (सायण भाष्य एवं भट्टभास्कर भाष्य सहित सम्पूर्ण प्रथम भाग)

२१२ श्रीमत्सायणाचार्यविरचितभाष्यसमेतम्— [प्रपा०३अनु०२०–२१]
प्रेतं दग्धुं या समित्प्रक्षिप्यते तां संबोध्योच्यते—हे समित्त्वामस्य प्रेतस्योपरि
सादयामि स्थापयामि । ज्योतिष्मतीत्यादिभिर्विशेषणैस्तत्सन्निष्ठाया ज्वालाया
उत्तरोत्तराभिवृद्ध्याऽवस्थाविशेषा उच्यन्ते । अत्यल्पप्रकाशोपेता ज्योतिष्मती ।
ईषदधिकप्रकाशोपेता ज्योतिष्कृत् । ततोऽप्यधिकप्रकाशोपेता ज्योतिर्विद् । एवं
भास्वत्यादिषु योजनीयम् । मन्मलेति दह्यमानकाष्ठध्वनेरनुकरणम् । लिङ्गानुसारेणायं
मन्त्र इष्टकोपधाने³ऽपि विनियोक्तव्यः ॥
इति श्रीमत्सायणाचार्यविरचिते माधवीये वेदार्थप्रकाशे कृष्णयजुर्वेदीयतैत्तिरी-
यारण्यकभाष्ये तृतीयप्रपाठक एकोनविंशोऽनुवाकः ॥ १९ ॥
अथ तृतीये विंशोऽनुवाकः ।
अथ स्रुवाहुतिमन्त्राँ उच्यन्ते । तत्र द्वादश मन्त्रानाह—
प्र॒या॒साय॒ स्वाहा॑ऽऽया॒साय॒ स्वाहा॑ विया॒साय॒ स्वाहा॑
सं॒या॒साय॒ स्वाहो॑द्द्या॒साय॒ स्वाहा॑ऽवया॒साय॒ स्वाहा॑ शु॒चे
स्वाहा॑ शोका॑य॒ स्वाहा॑ त॒प्य॒त्वै स्वाहा॒ तप॑ते॒ स्वाहा॑
ब्र॒ह्म॒हत्या॑यै॒ स्वाहा॒ सर्व॑स्मै॒ स्वाहा॑, इति ॥
इति कृष्णयजुर्वेदीयतैत्तिरीयारण्यके तृतीयप्रपाठके
विंशोऽनुवाकः ॥ २० ॥
प्रेतस्य यमलोके बाधका देवताविशेषाः प्रयासादिशब्दवाच्याः, तन्निर्वचनानि तु
यथायोगमुन्नेयानि । तस्यै तस्यै देवतायै स्रुवेण गृहीतामिदमाज्यं स्वाहुतमस्तु ॥
इति श्रीमत्सायणाचार्यविरचिते माधवीये वेदार्थप्रकाशे कृष्णयजुर्वेदीय-
तैत्तिरीयारण्यकभाष्ये तृतीयप्रपाठके विंशोऽनुवाकः ॥ २० ॥
अथ तृतीय एकविंशोऽनुवाकः ।
अथ राजर्गँविहविषो होमार्थोऽयमनुवाक उच्यते । तत्र नव मन्त्रानाह—
चित्तँ॒ संता॑नेन॒ भवं॑ य॒क्रा रुद्रं॑ तनि॒म्ना प॑शु॒प-
तिँ १ स्थू॒लहृ॑दयेना॒ग्निँ २ हृद॑येन रु॒द्रं लोहि॑-
१ क. °षगेः सामे°। २ क. अल°। ३ क. ग. °ने वि°। ४ क. °न्वानुवाक उच्यते। त°। ५ ग. तपतयै ६ क. °गवि ह°। ७ क. °वीयो हो°। ८ क. °मार्थमन्त्रानु°।