तैत्तिरीय आरण्यक (सायण भाष्य एवं भट्टभास्कर भाष्य सहित सम्पूर्ण प्रथम भाग)

[प्रपा० ३अनु० १८-१९]कृष्णयजुर्वेदीयं तैत्तिरीयारण्यकम् । २११
अथ तृतीयेऽष्टादशोऽनुवाकः ।
अथावगाहने२ विनियुक्तां३मृचमाह—
ई॒युष्टे॒४ ये पूर्व॑तरामप॑श्य॒न्व्यु॒च्छन्ती॑मु॒षसं॒ मर्त्या॑सः । अ॒स्माभि॑रू॒
नु प्र॑ति॒चक्ष्या॑ऽभू॒दो ते य॑न्ति॒ ये अ॑प॒रीषु॒ पश्या॒न्, इति ॥
इति कृष्णयजुर्वेदीयतैत्तिरीयारण्यके तृतीयप्रपाठकेऽ-
ष्टादशोऽनुवाकः ॥ १८ ॥
ये मर्त्यासो मनुष्या व्युच्छन्तीं प्रभातं कुर्वतीमुषसमुषःकालदेवतां पूर्वतरामितरे-
भ्योऽत्यन्तं पूर्वामपश्यन्पश्यन्ति, ते मनुष्याँ ईयुस्तां देवतां प्राप्नुवन्ति । [सा] अस्मा-
भिरू नु अस्माँभिरपि नु क्षिप्रं प्रतिचक्ष्याऽभूत्प्रत्यक्षं दर्शनीयाऽभूत् । येऽन्येऽप्य-
परीष्वपररात्रिषु रात्रीणामवसानेषु पश्यान्पश्यन्ति ते ओ यन्ति तेऽपि तां देवतां
सर्वथा प्राप्नुवन्ति ॥
इति श्रीमत्सायणाचार्यविरचिते माधवीये वेदार्थप्रकाशे कृष्णयजुर्वेदीयतैत्तिरी-
यारण्यकभाष्ये तृतीयप्रपाठकेऽष्टादशोऽनुवाकः ॥ १८ ॥
अथ तृतीय एकोनविंशोऽनुवाकः ।
अथोपशोषणे९ दाहे विनियुक्तानि यजूंष्याह—
ज्योति॑ष्मतीं त्वा सादयामि ज्योति॑ष्कृतं त्वा सादयामि
ज्योति॒र्विदं॑ त्वा सादयामि भास्व॑तीं त्वा सादयामि
ज्वलं॑तीं त्वा सादयामि मलमला भवं॑तीं त्वा सादयामि
दीप्य॑मानां त्वा सादयामि रोच॑मानां त्वा सादया॒-
म्यज॑स्त्रां त्वा सादयामि बृहज्ज्योति॑षं त्वा सादयामि
बो॒धयं॑तीं त्वा सादया॑मि जाग्र॑तीं त्वा सादयामि, इति ॥
इति कृष्णयजुर्वेदीयतैत्तिरीयारण्यके तृतीयप्रपाठक
एकोनविंशोऽनुवाकः ॥ १९ ॥
१ ख. ग. अव्र˚ । २ ग. ˚नेऽष्टादशीमा˚ । ३ ख. ˚क्तामौषसीं द्वितीयाम्˚ । ४ घ.
युष्टे । ५ ग. ˚ष्या इयु˚ । ६ ख. ˚स्माभिः साऽनुक्तं प्र˚ । ७ ग. ˚भिरु नु । ८ क. सर्वदा ।
९ क. ˚णे वि˚ ।