तैत्तिरीय आरण्यक (सायण भाष्य एवं भट्टभास्कर भाष्य सहित सम्पूर्ण प्रथम भाग)

अथ कृष्णयजुर्वेदीयतैत्तिरीयारण्यके द्वितीयः प्रपाठकः।
——————
(तत्र प्रथमोऽनुवाकः ।)
हरिः ॐ ।
नमो॒ ब्रह्म॑णे नमो॑ अस्त्व॒ग्नये॒ नम॑ः पृथि॒व्यै नम॒ ओष॑धीभ्यः ।
नमो॑ वा॒चे नमो॑ वा॒चस्पत॑ये॒ नमो॒ विष्ण॑वे बृह॒ते क॑रोमि ॥
ॐ शान्तिः॒ शान्तिः॒ शान्ति॑ः ॥
इति शान्तिः ।
यस्य निःश्वसितं वेदा यो वेदेभ्योऽखिलं जगत् ।
निर्ममे तमहं वन्दे विद्यातीर्थमहेश्वरम् ॥ १ ॥
प्रपाठके हि प्रथमे वह्निरारुणकेतुकः ।
सम्यक्प्रोक्तो द्वितीये स्यात्स्वाध्यायब्राह्मणाभिधा ॥
तत्राऽऽद्येनुवाकेऽध्ययनाङ्गत्वेन यज्ञोपवीतं विधातुं तत्प्रशंसार्थमौदावुपाख्यान-
माह—
ॐ स॒ह वै दे॒वानां॑ चासु॑राणां च य॒ज्ञौ प्र॒तंतावास्तां वयग्ंस्व॒र्गं
लो॒कमे॑ष्यामो वय॑मेष्याम॒ इति॒ तेऽसु॑राः संनह्य॑ सह॒सैवाऽऽर्च॑-
रन्ब्र॒ह्मच॑र्येण॒ तप॑सैव दे॒वास्तेऽसु॑रा अमुह्य॒ग्स्ते न प्राजा॑न॒ग्स्ते
परा॑भवन्ते॒ न स्व॒र्गं लो॒कम॑यन्प्रसृ॑तेन॒ वै य॒ज्ञेन॑ दे॒वाः स्व॒र्गं
लो॒कमा॑यन्नप्रसृ॑तेनासु॑रा॒न्परा॑भावयन्—, इति ।
वयमेवाऽऽधिपत्यनिमित्तं स्वर्गं गमिष्याम इत्येवं देवा यदा यज्ञे प्रवृत्तास्तदानी-
मेवाऽसुरा अपि तथैवाभिप्रेत्य यज्ञे प्रवृत्ताः, तावुभौ यज्ञौ प्रततौ विस्तीर्णावास्ताम् ।
तदानीं तथाविधा असुराः संनह्य कृतसंनाहाः सहसैव भुजबलेन शस्त्रेणैवाऽऽचर-
न्यज्ञमारब्धवन्तः, ते मौर्ख्याद्ब्रह्मचर्यादिनियमं चानादृतवन्तः । देवास्तु ब्रह्मचर्योत्सम-
१ क. ॰तीयस्या । २ क. ॰भिधो । त॰ ग ॰भिधे त । ३ ख. ॰माह॑ । ४ ग
'बलमावेगे॑ । ५ ग. ॰र्न नाऽऽदृ॑ ।