तैत्तिरीय आरण्यक (सायण भाष्य एवं भट्टभास्कर भाष्य सहित सम्पूर्ण प्रथम भाग)

[प्रपा० १ अनु० २६] कृष्णयजुर्वेदीयं तैत्तिरीयारण्यकम् । ९९
प्रा॒जाप॑त्याः प्र॒जाः । प्र॒जावा॑न्भवति । य ए॒वं वेद॑, इति ।
अग्नेः प्रजानां च प्रजापतिसृज्यत्वात्प्राजापत्यत्वं तेन साम्येन प्रजाफलकत्वमग्नेः ।
अथ द्वितीयं काम्यं दर्शयति—
प॒शुका॑मश्चिन्वीत सं॒ज्ञानं॒ वा ए॒तत्प॑शू॒नाम् ।
यदाप॑ः । प॒शूना॑मे॒व सं॒ज्ञाने॒ऽग्निं चि॑नुते ।
प॒शुमा॑न्भवति । य ए॒वं वेद॑ ( ४ ), इति ।
ये तृषार्ताः पशवो यत्र क्वाप्यपोऽन्विष्य जानन्ति तस्मादापः पशूनां सम्यग्ज्ञान-
साधनमतोऽप्सु चयने सति पशूनां ज्ञानसाधन एवाग्निश्चितो भवति ।
अथ तृतीयं दर्शयति —
वृष्टि॑कामश्चिन्वीत । आपो॒ वै वृष्टि॑ः । प॒र्