स्मृतिचन्द्रिका: व्यवहारकाण्ड (देवण्णभट्ट - दक्षिण भारत का मूर्धन्य न्याय-दर्शन महाग्रन्थ)

उपोद्घातः.
इह खलु स्मृतिचन्द्रिकाख्यस्यास्य ग्रन्थस्य प्रणेता सकल-
विद्याविशारदकेशवादित्यभट्टोपाध्यायस्य सूनुः याज्ञिकदेवण-
भट्टोपाध्यायसोमयाजीति तत्तत्काण्डान्ते लिखितया प्रशस्ति-
पङ्क्त्या स्पष्टं ज्ञायते. स तु कुत्र कदा वाऽऽसीदिति स्पष्टं नाव-
गम्यते. अथापि १२६० तमाक्रिस्ताब्दादा च १२७१ तमक्रि-
स्ताब्दाद्देवगिरिमधिष्ठितस्य यादववंश्यस्य महादेवभूपतेः प्राड्वि-
वाकेन हेमाद्रिणा स्वीये चतुर्वर्गचिन्तामणौ श्राद्धकल्पे स्मृति-
चन्द्रिकाकारस्यास्य तात्पर्याण्युपन्यस्तानि, क्वचिन्खण्डितानि
च¹ अतश्च १२६०-१२७१ क्रिस्ताब्दकालिकाद्धेमाद्रेर्देवणभट्टोऽयं
प्राचीन इति स्पष्टमाकल्यते.
स्मृतिचन्द्रिकायां सङ्ग्रहकारश्चतुर्विंशतिमतसङ्ग्रहकारश्चेति²
द्वावेव निबन्धग्रन्थकृतौ परामृष्टौ दृश्येते. कोऽयं सङ्ग्रहकार
इति तु न कुत्रापि विशदीकृतं दृश्यते. चतुर्विंशतिमतसङ्-
हकारस्य नामधेयमपि चतुर्विंशतिमतस्य व्याख्यातुर्भट्टोजिदी-
क्षितस्यापि न विदितमासीदिति "कश्चन शिष्यः"³ इति वदता
व्याख्यात्रैव प्रकटीकृतम्.

---

¹ श्राद्धकल्पः, अध्याय ११, पु. ११३९; पु. ११४३; अध्याय १३,
१२१३; १२६३; १३३४; अध्याय, १५, १४०८. Asiatic Society
of Bengal, Ed. १८७३.
² संस्कारकाण्डः-पु. ७३, ८१, १२४, १७१, १८२, १९४, २१३.
³ चतुर्विंशतिमतव्याख्या, पु. २.