षड्विंश ब्राह्मण (सामवेद का अद्भुत ब्राह्मण - दैव-उत्पात शान्ति विधान सटीक)

८ षड्विंशब्राह्मणम्
भागान्तरमुपादत्ते—
गौतमब्रुवाणेति ॥ २४ ॥
गौतमोऽहमिति ब्रुवाणः । यद्वा । गौतमरूपेण चरन् गौतम इति
जनैरुच्यमानो गौतमब्रुवाणः । ब्रुवतेः कर्तरि व्यत्ययेन कर्मणि शानच् ।
तस्य संबोधनम् गौतमब्रुवाणेति ॥ २४ ॥
तद्व्याचष्टे—
देवासुरा ह संयत्ता आसंस्तानन्तरेण गौतमः
शश्राम । तमिन्द्र उपेत्योवाचेह नो भवान्स्पशश्चरत्विति ।
नाहमुत्सह इति । अथाहं भवतो रूपेण चराणीति । स
यथा मन्यस इति । स यत्तत् गौतमो वा ब्रुवाणश्चचार
गौतमरूपेण वा तदेतदाह गौतमेति ॥ २५ ॥
देवासुरा ह देवाश्चासुराश्च । किम् (!) संयत्ताः परस्परं योद्धु-
मुद्युक्ताः आसन् बभूवुः । तानन्तरेण तेषां मध्ये । अन्तरान्तरेण युक्ते
(पा. २. ३. ४) इति द्वितीया । गौतमो नाम ऋषिः शश्राम श्रान्तः सन्
उपाविशत् । तं गौतममुपेत्य उपगम्य इन्द्रः एवमुवाच । असुराः भवन्तं
बाधेरन् । अत इहैव नः अस्माकं स्पशश्चारो भूत्वा भवान् चरत्विति ।
एनमुक्तवन्तमिन्द्रमृषिराह अहमेवं चाररूपेण वर्तितुं नोत्सहे उत्साहं न
करोमीति । अथ गौतमवचनादनन्तरम् इन्द्रो ब्रवीति । तर्हि अहं भवतो

1. R Bh JA अथ नामा० for भागा०.
2. Bh JA om. अहम् ; R. adds गौतमब्रुवाणेति तद्व्याचष्टे after
   यद्वा ; JA add ह after इति ; RJA. गोतम० for गौतम०.
3. MTSIK ब्रवीतेः for ब्रुवतेः.
4. K Bh. ह for इह.
5. T. (आ) ह for (अ)हं.
6. RBJ गो० for गौ०; Bh T. om. वा.
7. RBJIA गो० for गौ०.
8. RBMSI. om. नः; MTS स्पर्श० for स्पश०.
9. Bh JA (ए)व for (ए).
10. Bh JA ०वचनानन्तर for ०वचनादनन्तरम् ; Bh A
    ०ऽब्रवीदिति for ब्रवीति.