षड्विंश ब्राह्मण (सामवेद का अद्भुत ब्राह्मण - दैव-उत्पात शान्ति विधान सटीक)

६४ षड्विंशब्राह्मणम्

ब्राह्मणं भवति ये ऊर्ध्वं हिंकारात्ते निर्ब्रूयादिति गौतमः षाधा इति
धानंजय्यः (२१.३.२१.२३ ; ला ७.१२.६९) इति । शं राजन्
(सा. ६५३ᶜ) इत्यर्धे हिंकारादूर्ध्वं यदक्षरद्वयं तन्निरुक्तं गेयमिति गौतमस्य
मतम् । हिंकारात् पूर्वं षाधा इत्यक्षरद्वयं निरुक्तं गेयमिति
धानंजय्यमतमिति ॥ १३ ॥
तत्प्रशंसति—
चक्षुरेव तद्युनक्ति तस्माद्युक्तं चक्षुः ॥ १४ ॥
तत् तेन अक्षरद्वयद्योतनेन चक्षुरेव प्राणत्वेन युनक्ति । तस्मात्
तत एव चक्षुः युक्तं संबद्धमेव भवति ॥ १४ ॥
अत्रापि गाने नियममाह—
त्रिष्टुप् छन्दसैन्द्रीदेवतयान्तरिक्षमेतया ध्यायन्
गायेत् । १५ ॥
पूर्ववद्व्याख्येयम् ॥ १५ ॥
अथ दविद्युतत्या रुचा (सा. ६५४) इत्यस्यां गानं विधत्ते—
चतुर्थीं गायति ॥ १६ ॥
अत्र गाने विशेषमाह—
तस्याश्चत्वारि चत्वार्यक्षराणि निक्रीडयन्निव गायत्या
द्वादशेभ्योऽक्षरेभ्यः ॥ १७ ॥

---

2. Bh MTJ om. शं राजन्.
3. M ० रूपं for द्वयं; J Bh. ०क्षरं निरुक्तं for ०क्षरद्वयं तन्निरुक्तं.
4. TI. धानंजय्यस्य for धानंजय्य०.
5. RSI. युक्तम् for ततः; M. युक्तसंबन्धः for युक्तं संबद्धम ... ;
   RSI. संबन्धम् for संबद्धम्.
6. KT. गान० for गाने; J. om. गाने.
7. Bh MT निक्रीडन् for निक्रीडयन्.