षड्विंश ब्राह्मण (सामवेद का अद्भुत ब्राह्मण - दैव-उत्पात शान्ति विधान सटीक)

प्रथमोऽध्यायः (७) ५९

योऽलमन्नाद्याय सन्नथान्नं नाद्याद्दक्षिणार्धं सदसो
गत्वैतं सौम्यातिशेषं प्राश्नीयात् । जनं वा एतस्मादन्नाद्यं
क्रामति । योऽलमन्नाद्याय सन्नथान्नं नात्ति जनोऽस्मात्पितरो
जन्येनैवान्नेनान्नमत्ति । अन्नादो भवति ॥ ३ ॥
यः पुमान् अन्नाद्याय अन्नादिभक्षणाय अलं समर्थः सन्नपि ।
अथशब्दोऽप्यर्थे । अन्नं नाद्यात् वागिन्द्रियात् (!) सदसो दक्षिणार्धं
दक्षिणदिगर्घभागं गत्वा एतं सौम्यातिशेषं हुतशिष्टं सौम्यं चरुं प्राश्नीयाद्
उद्गाता । तस्मादेव चरुभक्षणादन्नाद्यं जनं क्रामति प्राप्नोति । यो
जनोऽलमन्नाद्याय समर्थः सन्नपि अन्नं नात्ति । किं च, अस्मात् प्राशनात्
पितरोऽपि तृप्ता भवन्तीति शेषः । अतो जन्येन जनहितेन अन्नेन
भक्षणयोग्‍येन एव अनेन अन्नमत्ति । हितान्नादनसामर्थ्येनैव अन्नमत्तीत्यर्थः ।
न केवलम् इह लोके, किं तु परत्रापि अन्नादो भवतीति ॥ ३ ॥
इति श्रीसायणाचार्यविरचिते माधवीये सामवेदार्थप्रकाशे षड्विंशब्राह्मणे
प्रथमाध्याये सप्तमः खण्डः ॥ ७ ॥
इति श्रीमद्राजाधिराजपरमेश्वरवैदिकमार्गप्रवर्तकश्रीवीरबुक्कभूपालसाम्राज्यधुरंधरेण
सायणाचार्येण विरचिते माधवीये सामवेदार्थप्रकाशे षड्विंशब्राह्मणव्याख्याने
प्रथमोऽध्यायः समाप्तः ॥ १ ॥

---

6. Bh वारिशूगीत्या, J. वालिशरीत्या, K. वारीन्द्रियात् for वागिन्द्रियात्
   see CN.
7. J. द्विजादिगम्यत्वात्, Bh. दक्षिणदिगादिगम्यत्वा for दक्षिणदिगर्घ-
   भागम् ; Bh एव होमावशि... एतं सौम्यातिशेषं.
8. RSI तमर्हादेव for तस्मादेव ; JBh. om. एव चरु० ; Bh. ०(अ)-
   भक्षणात् for ०भक्षणात् ; J adds तं after अन्नाद्यम .
9. M. अन्नादी for अन्नाद्याय; R. समृद्धः for समर्थः, M.Bh SI.
   om. समर्थः.
10. om. तत्क्षणात् सौम्येन, J भक्षणात् सौम्येन for भक्षणयोग्‍येन ; Bh.
    JM om. अनेन ; Bh. दानादन्न० for हितान्नादन०.