षड्विंश ब्राह्मण (सामवेद का अद्भुत ब्राह्मण - दैव-उत्पात शान्ति विधान सटीक)

चतुर्थः खण्डः
ज्योतिष्टोमे सुत्येऽहनि प्रातरनुवाकात् पूर्वं विश्वरूपगानं विधातुं तत्र
किंचित् प्रकारमादौ विधत्ते—
अध्वर्यवित्याहोद्गाता मा स्म मेऽनिवेद्य होत्रे प्रातरनु-
वाकमुपाकरोरिति ॥ १ ॥
हे अध्वर्यो ! मे मह्यमुद्गात्रे मानिवेद्य निवेदनमामन्त्रणमकृत्वा होत्रे
प्रतारनुवाकं शस्त्रं मा स्मोपाकरोः उपाकरणं मा कार्षीरित्युद्गाताध्वर्युं प्रति
आह वदेदित्यर्थः । इतिशब्दोऽवान्तरवाक्यपरिसमाप्तिद्योतनार्थः । तथा च
द्राह्मायणः—न मामनामन्त्र्य प्रातरनुवाकमुपाकुर्यादित्यध्वर्युं ब्रूयात्
(२. ४. ७; ला. १. ८. ६) इति ॥ १ ॥
ततः किमित्यत्राह —
सोऽध्वर्युः प्राह ॥ २ ॥
स एवमुद्गात्रोक्तोऽध्वर्युः प्राह प्रातरनुवाकोपकरणात् पूर्वम्
एवामन्त्रयेदित्यर्थः ॥ २ ॥
ततः किं कुर्यादुद्गातेत्यत्राह—
स हूतो व्रजति स पूर्वया द्वारा हविर्धाने प्रपद्यते ॥३॥
स उद्गाता हूतः अध्वर्युणामन्त्रितः सन् व्रजति हविर्धानमण्डपं
गच्छेत् । गत्वा च स पूर्वया द्वारा हविर्धानमण्डपस्य पूर्वेण द्वारेण
हविर्धाने सोमात्मकस्य हविषः आधारभूते द्वे शकटे प्रपद्यते प्रपद्येत ॥ ३ ॥
2. K. ०वाकपूर्वे for ०वाकात् पूर्वं.
8. KTMS om. ०परि०.
14. J एनम् for एव; Bh तमाश्रयेत, J. आश्राक्येत, A [ए]नमाश्रयेत्
MT. मन्त्रयेत् for (आ)मन्त्रयेत्.
17. R. trans व्रजति after ०मण्डपं; Bh IS om. हविर्धान०...द्वारेण.
19. R. om. प्रपद्यते; R. प्रपद्येते for प्रपद्येत; Bh MJSI om. प्रपद्येत.