षड्विंश ब्राह्मण (सामवेद का अद्भुत ब्राह्मण - दैव-उत्पात शान्ति विधान सटीक)

तृतीयः खण्डः
अथेदानीमौदुम्बरी सविशेषा निरूप्यते । तत्र औदुम्बर्या उच्छ्रयणं
विधातुं प्रशंसति—
प्रजापतिर्देवेभ्य औदुम्बरीमुच्छ्रयति । असुषिरमूला-
मग्रन्थि पृथुबुध्नामेकजाम् ॥ १ ॥
पुरा प्रजापतिर्देवेभ्यः स्वीये यागे असुषिरमूलाम् अच्छिद्रमूलाम्
अग्रन्थिं ग्रन्थिरहितां पृथुबुध्नां स्थूलमूलाम् एकजाम् अनेकशाखारहिताम्
औदुम्बरीमुच्छ्रयति । अत एतादृगौदुम्बर्या उच्छ्रयणं प्रशस्तमित्यर्थः ॥ १ ॥
कियत्परिमाणमौदुम्बर्या इत्यत्राह —
यजमानमात्र्यौदुम्बरी भवति ॥ २ ॥
औदुम्बरी यजमानसंमिता भवतीत्यर्थः । तथा च श्रुत्यन्तरम्—
यजमानेन संमितौदुम्बरी भवति (तै. सं ६. २. १०. ३) इति ॥ २ ॥
यदि कुब्जादयो यजमानास्तदा कथमित्याशङ्क्याह—
अथ कुब्जवामना यजमाना ह्रस्वाश्चोर्ध्वबाहवः
प्रच्छेदं कुर्युः ॥ ३ ॥
2. M. ०शेषं for ०शेषा.
8. JM. ०दृगौ० for ०दृशौ०.
9. MTK. यत् for कियत् ; MTK. om. अत्र.
13. RI. यथा for यदि; JT. तथा for तदा.
14. M. कुब्जा for कुब्ज०.
15. MTK. कुर्यात् for कुर्युः.