षड्विंश ब्राह्मण (सामवेद का अद्भुत ब्राह्मण - दैव-उत्पात शान्ति विधान सटीक)

तृतीयः खण्डः
एवं श्येनयागं सविशेषं प्रतिपाद्येदानीं त्रिवृदग्निष्टोमं निरूपयितुं
प्रतिजानीते—
त्रिवृदग्निष्टोमः ॥ १ ॥
उच्यत इति शेषः ॥ १ ॥
इदानीं विधत्ते—
तस्येषुं विष्टुतिं कृत्वाभिचरन् यजेत ॥ २ ॥
तस्य त्रिवृदग्निष्टोमस्य इषुम् इषुसंज्ञकां विष्टुतिं कृत्वाभिचरन् भ्रातृव्यं
जिघांसुस्तेन यजेत । द्वे इषुसंज्ञके विष्टुती प्राक् प्रदर्शिते । अत्र विशेषा-
श्रवणात् तयोरन्यतरा ग्राह्या ॥ २ ॥
यथोक्तं प्रशंसति—
इषुवधो वै पुरायुषो हन्ति । यदिषुं विष्टुतिं करोति
पुरैवेनमायुषः प्रवृश्चति ॥ ३ ॥
इषुवधः इष्वाख्यं हननसाधनम् आयुधम् आयुषः शतवर्षलक्षणात्
पुरा पुरस्तादेव हन्ति । तस्मात् यदिषुम् इष्वाख्यां विष्टुतिम् अत्र करोति
कुर्यात् तर्हि एनं भ्रातृव्यमायुषः पुरैव प्रवृश्चति यथा विच्छिद्य प्रकर्षेण
छिनत्ति ॥ ३ ॥
2. T. ॰यागस्य for यागं स०; T. अग्नीषोमं for अग्निष्टोमं.
7. M. यजते for यजेत.
12. SIK. भवति for हन्ति.
14. RKMSI om. आयुधम्.
15. RKIS. भवति for हन्ति.
16. J. तया for यथा.