षड्विंश ब्राह्मण (सामवेद का अद्भुत ब्राह्मण - दैव-उत्पात शान्ति विधान सटीक)

नवमः खण्डः
अथ त्रिणवस्य विष्टुतिविधायकं ब्राह्मणमेवमाम्नायते—
नवभ्यो हिंकरोति । स तिसृभिः स तिसृभिः स
तिसृभिः । नवभ्यो हिंकरोति । स तिसृभिः स तिसृभिः स
तिसृभिः । नवभ्यो हिंकरोति । स तिसृभिः स तिसृभिः स
तिसृभिः । अभिचरन्स्तुवीत ॥ १ ॥
उद्गाता नवभ्यो नव ऋचो गातुं हिंकुर्यात् । स हिंकर्ता त्रीनपि
पर्यायान् एकैकस्या ऋचस्त्रिरावृत्त्या तिसृभिः ऋग्भिः कुर्यादित्यर्थः ।
अनया त्रिणवस्तोमविष्टुत्या अभिचरन् स्तुवीतेति शेषः ॥ १ ॥
उक्तं त्रिणवं वज्रसादृश्येन प्रशंसति—
वज्रो वै त्रिणवः वज्रमेव तत्पराञ्चं प्रवर्तयति
स्तुत्यै । तेन पाप्मानं भ्रातृव्यं स्तृणुते । वसीयानात्मना
भवति य एतया स्तुते ॥ २ ॥
त्रिणव एव वज्रः । तिसृभिः त्रिवृद्भिः निष्पन्नत्वात् । त्रिवृतो वज्रत्वं
प्रसिद्धम् । तत् तस्मात् वज्रमेव पराञ्चं परागञ्चनं प्रवर्तयति । भ्रातृव्यस्तृत्यै
हिंसायै । ऋचामानुलोम्येन गीयमानत्वात् पराक्त्वमित्यर्थः । तेन पाप्मानं
6. MK. om. अभिचरन्स्तुवीत.
7. M. नवर्चं उद्गातुं for नव ऋचो गातुं.
9. I. विशेषः for शेषः.
14. J. त्रिणवत्वात् for त्रिवृद्भिः निष्पन्नत्वात् ; J. subst. वज्र एव
प्रसिद्धः for वज्रत्वं प्रसिद्धम् .
15. J. om. परागञ्चनं ; J. om. भ्रातृव्यस्तृत्यै...हिनस्ति.
16. M. परार्थं०, RIS. पराङ्क्त्व० for पराक्त्व०
५० 9