षड्विंश ब्राह्मण (सामवेद का अद्भुत ब्राह्मण - दैव-उत्पात शान्ति विधान सटीक)

अष्टमः खण्डः
अथैकविंशतिस्तोमस्य विष्टुतिविधायकं ब्राह्मणमेवाम्नायते--
तिसृभ्यो हिंकरोति । स पराचीभिर्नवभ्यो हिंकरोति ।
स तिसृभिः स तिसृभिः स तिसृभिर्नवभ्यो हिंकरोति । स
तिसृभिः स तिसृभिः स तिसृभिरभिचरन्स्तुवीत ॥ १ ॥
तिसृभ्यः तिस्रो गातुं हिंकुर्यात् । सः हिंकर्ता पराचीभिरानुलोम्येन
पठिताभिः आद्यं पर्यायं कुर्यादिति शेषः ! उत्तरौ एकैकस्या ऋचः त्रिरावृत्त्या
कार्यावित्यर्थः । अनया एकविंशस्तोमविष्टुत्या अभिचरन् पुरुषः स्तुवीतेति
शेषः ॥ १ ॥
उक्तमेकविंशं स्तौति--
वज्रो वै त्रिवृद् । वज्रः त्रिणवः । यत्त्रिवृत्तिणवाभ्या-
मेकविंशं विदधाति वज्रमेव तत्सम्यक् संदधाति ॥ २ ॥
यत् येन त्रिवृत्तिणवाभ्यां स्तोमाभ्याम् एकविंशं विदधाति ।
तिसृभिः त्रिवृतो विधानम् । नवभिः त्रिणवस्येति ॥ २ ॥
वज्रस्य त्रिवृदादिसादृश्यं प्रशंसां च करोति--
एवमिव वै वज्रः साधुः । यदारम्भणतोऽणीयान्
प्रहरणतः स्थवीयाँस्तेन पाप्मानं भ्रातृव्यं स्तृणुते । वसीयाना-
त्मना भवति । य एतया स्तुते ॥ ३ ॥
एतया एकविंशस्तोमविष्टुत्या स्तुते । शिष्टं व्याख्यातचरम् ॥ ३ ॥
इति श्रीसायणाचार्यविरचिते माधवीये सामवेदार्थप्रकाशे षड्विंशब्राह्मणभाष्ये
तृतीयाध्याये अष्टमः खण्डः ॥ ८ ॥
6. J. subst. हिंकरोति सः for तिस्रो गातुं हिंकुर्यात् । सः हिंकर्ता.
7. JT add ऋग्भिः after पठिताभिः; J. गायेत् for कुर्यात्.
10. RI. उत्तमम् for उक्तम्.
15. M अपि for च.