षड्विंश ब्राह्मण (सामवेद का अद्भुत ब्राह्मण - दैव-उत्पात शान्ति विधान सटीक)

१०२ षड्विंशब्राह्मणम्
सर्वेष्वेव गार्हपत्यादिष्वग्निषु अनुपर्यायं क्रमेण नमः प्राणाय वाचस्पतये
स्वाहा नमो वाचे प्राणपत्न्यै स्वाहेत्येताभ्यां मन्त्राभ्यां पूर्ववच्चतुर्गृहीतमाज्यं
जुहुयात् ॥ २ ॥
स्रुचि निहितस्य तस्य हिरण्यस्य प्रतिपत्तिं दर्शयति—
अथ तद्धिरण्यं ब्रह्मणे दद्यात् ॥ ३ ॥
प्रायश्चित्तहोमं पुनर्यज्ञत्वेन स्तौति—
अथ यदाह यज्ञो वाव यज्ञस्य प्रायश्चित्तिरिति
पुनर्यज्ञ एव स एते उ ह त्वेवाहुती यज्ञविभ्रष्टस्य प्राय-
श्चित्तिरिति ॥ ४ ॥
अथशब्दो वाक्योपक्रमे । यज्ञो वाव पुनर्यज्ञ एव यज्ञस्य प्राय-
श्चित्तिरिति यदाह वेदः स एव पुनः यज्ञ एते उ ह यथोक्ते उभे त्वेवाहुती
यज्ञविभ्रष्टस्य यज्ञन्यूनत्वस्य प्रायश्चित्तिरिति ॥ ४ ॥
इति श्रीसायणाचार्यविरचिते माधवीये सामवेदार्थप्रकाशे षड्विंशब्राह्मणभाष्ये
तृतीयाध्याये द्वितीयः खण्डः ॥ २ ॥
2. RSI. om. मन्त्राभ्यां; J adds गृहीत्वा after आज्यं.
4. MRSIK. om. स्रुचि निहितस्य; T. om. स्रुचि; T आहितस्य
for निहितस्य; JT om. तस्य.
5. J. after दद्यात् adds: अथैवं हुत्वा पश्चात् तद्धिरण्यं ब्रह्मणे दद्यात्.
6. R. ०श्चित्तं for ०श्चित्तहोमं.
11. J यज्ञो वाव यज्ञस्य प्रायश्चित्तिरिति for वेदः स एव; RTSK. om.
यथोक्ते उभे.
यज्ञविभ्रष्टस्य for यज्ञन्यूनत्वस्य.