षड्विंश ब्राह्मण (सामवेद का अद्भुत ब्राह्मण - दैव-उत्पात शान्ति विधान सटीक)

पत्क्तास्मि तदागच्छतेति । एवमेव अनेन प्रकारेण यद् ब्रूयात्तदेतद् देवेभ्यः
श्रुत्यामेव प्राहेति ॥ २७ ॥
निगदशेषं प्रतीकेनोपादत्ते —
देवा ब्रह्माण इति ॥ २८ ॥
देवा ब्रह्माण आगच्छतागच्छतागच्छत (ला. श्रौ. सू. १.३.३) इति
निगदशेषः । हे देवाः हे ब्रह्माणः हे ब्राह्मणाः आगच्छत । त्रिरुक्तिरादरार्था
वा ॥ २८ ॥
एतद् व्याचष्टे—
देवा हैव देवा अथ हैते मनुष्यदेवा ये ब्राह्मणाः
शुश्रुवांसोऽनूचानास्ते मनुष्यदेवाः ॥ २९ ॥
देवाः प्रसिद्धा वस्वादय एव देवाः । अथ पुनः एते ह वक्ष्यमाणा एव
मनुष्यदेवाः ये ब्राह्मणाः परिवृढा इति कीर्त्यन्ते इति शेषः । के ते मनुष्यदेवा
इत्यत उक्तम्—शुश्रुवांसः [इति] । श्रुतवन्तः अर्थविदः अनूचानाः
साङ्गवेदाध्यायिनो ये ब्राह्मणाः ते मनुष्यदेवाः ॥ २९ ॥
किं देवानां भागधेयं किंच ब्राह्मणानां य[द्]दानेन प्रीणयितुं तानु-
भयानाह्वयतीत्यत्राह—
आहुतय एव [भागधेयं] देवानां दक्षिणा मनुष्य-
देवानाम् । आहुतिभिर्ह देवान् प्रीणाति । दक्षिणाभिर्मनुष्य-
देवान् शुश्रुवुषोऽनूचानान् ब्राह्मणान् प्रीणाति ॥ ३० ॥

1. R. om. एतद् .
2. TK. ब्राह्मणाः for ब्रह्माणः.
3. T. ब्राह्मण[ाः] for ब्रह्माणः; Bh. आगच्छतेति for आगच्छता०...
4. T. ब्राह्मणाः for ब्रह्माणः; Bh. om. हे ब्राह्मणाः.
5. T. ब्राह्मणदेवाः for ब्राह्मणाः
6. Bh JA combine this and the following text and
   reproduce आहुतय एव....ब्राह्मणान् प्रीणाति after आत्राह (L. 16) again in
   the commentary.
7. R Bh BTSI कीर्नांते P कीर्त्यन्ते; Bh T हे JA अथ है for के.
8. Bh JA om. अर्थविदः
9. T. सतत, JA तत्र, for य[द्]; B अनेन for दानेन.
10. KTI. शुश्रूषो० for शुश्रुवुषो०